మోగిందీ జేగంటా..

మోగిందీ జేగంటా.. 
చిత్రం : బాణం (2009)
సంగీతం : మణిశర్మ
సాహిత్యం : రామజోగయ్య శాస్త్రి
గానం : శ్రేయా ఘోషాల్

తననాన నానాన..
తననాన నానాన..

మోగిందీ జేగంటా.. మంచే జరిగేనంటా..
మనసంటోందీ ఈ మాటా..
కొలిచే దైవాలంతా.. దీవించారనుకుంటా..
నను పిలిచినదీ పూబాటా..
తనతోపాటే వెళిపోతా
ఆకాశం నీడంతా నాదేనంటోందీ..
అలలు ఎగసే.. ఆశా..
ఏ చింతా కాసింతా లేనే లేదందీ
కలత మరిచే.. శ్వాస..||మోగిందీ జేగంటా||

పద పదమనీ నది నడకనీ ఇటు నడిపినదెవరైనా..
తన పరుగులో తెలినురగలో నను నేనే చూస్తున్నా..
ప్రతి పిలుపునీ కథమలుపనీ మలి అడుగులు వేస్తున్నా..
అలుపెరుగనీ పసిమనసునై సమయంతో వెళుతున్నా..
నలుసంత కూడా నలుపేది లేనీ.. వెలుగుంది నేడూ నా చూపునా
ఏ దూరమో.. ఏ తీరమో ప్రశ్నించనీ పయనం లోనా..
ఈ దారితో సహవాసమై కొనసాగనా ఏదేమైనా..ఆఆఆఅ...

||మోగిందీ జేగంటా||

ఒక చలువలా ఒక విలువలా జత కలిసినదోసాయం..
మనసెరిగినా మధుమాసమై నను చేర్చిందీ గమ్యం..
కల నిలవనీ కనుపాపలో కళలొలికినదోఉదయం
అది మెదలుగా నను ముసిరినా ఏకాంతం మటుమాయం..
నా చుట్టూ అందంగా మారింది లోకం.. ఊహల్లోనైనా లేదీ నిజం
చిరు నవ్వుతో ఈ పరిచయం వరమై ఇలా నను చేరిందా
బదులడగనీ ఈ పరిమళం నా జన్మనే మురిపించేనా..ఆఆఆఅ..

||మోగిందీ జేగంటా||