శ్రీలక్ష్మి నీ మహిమలూ

చిత్రం: చిల్లర దేవుళ్ళు (1977)

గానం: సుశీల 

రచన: ఆత్రేయ 

సంగీతం: కె. వి. మహదేవన్

శ్రీలక్ష్మి నీ మహిమలూ గౌరమ్మ 

చిత్రమై తోచునమ్మా 

గౌరమ్మ చిత్రమై తోచునమ్మా 

శ్రీలక్ష్మి నీ మహిమలూ గౌరమ్మ 

చిత్రమై తోచునమ్మా 

గౌరమ్మ చిత్రమై తోచునమ్మా

భారతీసతివయ్యు బ్రహ్మకిల్లాలివై 

పార్వతీదేవివై పరమేశురాణివై 

భారతీసతివయ్యు బ్రహ్మకిల్లాలివై 

పార్వతీదేవివై పరమేశురాణివై 

పరగ శ్రీలక్ష్మివయ్యూ గౌరమ్మ 

భార్యవైతివి హరికినీ  

||శ్రీలక్ష్మి నీ మహిమలు||

రాజ్యము బలము

చిత్రం: రాజాధిరాజు (1980)

సంగీతం: కె.వి.మహదేవన్

రచన: వేటూరి

గానం: పి.సుశీల

పల్లవి:

రాజ్యము బలము మహిమ నీవే నీవే

జవము జీవము జీవనమీవే నీవే

రాజ్యము బలము మహిమ నీవే నీవే

జవము జీవము జీవనమీవే నీవే

మరియ తనయ మధురహృదయ

మరియ తనయ మధురహృదయ

కరుణామయా! కరుణామయా!

రాజ్యము బలము

భీషణమౌ శ్రీరామ శపథం..

భీషణమౌ శ్రీరామ శపథం..

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన:: ఆరుద్ర

గానం:: సుశీల, వసంత

పల్లవి: 

భీషణమౌ శ్రీరామ శపథం..

వీడదు ధర్మపథం

ఇప్పటి ఈ రఘురామ శపథం..

హృదయ విదారకం

రా రా ఓ రాజా

రా రా ఓ రాజా 

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన:: సినారె 

గానం:: జానకి 

పల్లవి::

రా రా ఓ రాజా 

రా రా ఓ రాజా 

చలచల్లనీ దినరాజా 

నులివెచ్చనీ నెలరాజా 

సుందర ప్రణయమందిరా 

సుగుణ బంధురా 

మునుముందర కౌగిలి విందురా 

ఇందిరా పొందరా 

రా రా ఓ రాజా

కరుణాలోలా నారాయణా

కరుణాలోలా నారాయణా 

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన:: గబ్బిట వెంకటరావు

గానం:: బాలమురళీకృష్ణ

పల్లవి::

నారాయణ

కరుణాలోలా నారాయణా

శ్రితజనపాలా...దీనావనా

కరుణాలోలా నారాయణా

శ్రితజనపాలా...దీనావనా

కరుణాలోలా నారాయణా

శ్రీయుతమౌ శ్రీరామ పాదం

శ్రీయుతమౌ శ్రీరామ పాదం

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన:: ఆరుద్ర

గానం:: సుశీల, వసంత

పల్లవి::

శ్రీయుతమౌ శ్రీరామ పాదం..

శ్రితజన మందారం

పావనమీ రఘురామపాదం..

పాప వినాశకరం

సాకేత సార్వభౌమ

సాకేత సార్వభౌమ

చిత్రం : శ్రీ రామాంజనేయ యుద్ధం (1975)

సంగీతం:: మహదేవన్

రచన:: గబ్బిట వెంకటరావు

గానం:: ఈలపాట రఘురామయ్య

పల్లవి: 

రామా..

తగునా..

నీ దాసుపైన రణభేరివేయ..

సాకేత సార్వభౌమ.. సాకేత సార్వభౌమా..

శరణు శరణయా జానకి రామ

కరుణజూపవా మారుతిపై

సాకేత సార్వభౌమ.. సాకేత సార్వభౌమా..

జయతు జయతు..

జయతు జయతు..

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన:: కొసరాజు

గానం:: మాధవపెద్ది,వసంత

సాకి::

జయతు జయతు..శ్రీరామా రామ

జానకిరామా..జగదభిరామా

పావననామా..భండన భీమా

పట్టాభిరామా

పల్లవి :

వచ్చింది వచ్చింది..రామరాజ్యం 

శ్రీరామయ్య పాలించు..చల్లని రాజ్యం

వచ్చింది వచ్చింది..రామరాజ్యం 

శ్రీరామయ్య పాలించు..చల్లని రాజ్యం

సంపదలను తెచ్చింది..సౌఖ్యాలను యిచ్చింది 

సంపదలను తెచ్చింది..సౌఖ్యాలను యిచ్చింది 

భూలోకానికి స్వర్గం..దిగివచ్చింది

వచ్చింది వచ్చింది..రామరాజ్యం 

శ్రీరామయ్య పాలించు..చల్లని రాజ్యం

మేలుకో శ్రీరామ

మేలుకో శ్రీరామ

చిత్రం : శ్రీ రామాంజనేయ యుద్ధం (1975)

సంగీతం::మహదేవన్

రచన::దాశరథి

గానం:: బాలమురళీకృష్ణ, లీల 

పల్లవి::

మేలుకో శ్రీరామ..మేలుకో రఘురామ

మేలుకో శ్రీరామ..మేలుకో రఘురామ

మేలుకొని వేగ..మమ్మేలుకోవయ్యా

మేలుకొని వేగ..మమ్మేలుకోవయ్య

మేలుకో..మేలుకో...

మేలుకో..ఓఓఓఓఓ

తెలుసులే తెలుసులే

తెలుసులే తెలుసులే 

చిత్రం: జేగంటలు (1981)

సంగీతం: కె.వి. మహదేవన్

గీతరచయిత: వేటూరి

నేపధ్య గానం: బాలు, సుశీల

పల్లవి:

తెలుసులే తెలుసులే  

నీకు తెలుసోలేదో గానీ నాకు తెలుసులే 

ఎవరేమన్నా ఏమనుకున్నా 

ప్రేమే గెలవక తప్పదని 

తెలుసులే

తెలుసులే తెలుసులే  

నీకు తెలుసోలేదో గానీ నాకు తెలుసులే 

కౌగిట కలిసిన ప్రేమలకు 

చీకటి తొలగక తప్పదనీ 

తెలుసులే

తెలుసులే తెలుసులే

ఇందుకేనా...

ఇందుకేనా 

చిత్రం : చిలిపి కృష్ణుడు (1978)

సంగీతం : కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం : బాలు 

పల్లవి:

ఇందుకేనా... 

ఇది ముందుగ నీకు తెలిసేనా 

ప్రేమించమన్నావూ 

ప్రేమను ప్రేమించమన్నావూ...

ఇందుకేనా... 

ఇది ముందుగ నీకు తెలిసేనా 

ప్రేమించమన్నావూ 

ప్రేమను ప్రేమించమన్నావూ...

ఇందుకేనా... 

దూరాన దూరాన తారాదీపం

దూరాన దూరాన 

చిత్రం :  మా బంగారక్క (1977)

సంగీతం :  కె.వి. మహదేవన్

గీతరచయిత :  దేవులపల్లి కృష్ణశాస్త్రి

నేపధ్య గానం : జి. ఆనంద్ 

పల్లవి:

దూరాన దూరాన తారాదీపం 

భారమైన గుండెలో ఆరని తాపం 

ఆరిపోదు చేరరాదు ఆశాదీపం 

ఆ తారాదీపం 

నీ తీరని తాపం 

వయసూ సొగసూ

వయసూ సొగసూ కలిసిన 
చిత్రం: నారీ నారీ నడుమ మురారి (1990)
సంగీతం: కె.వి. మహదేవన్
గీతరచయిత: సిరివెన్నెల
నేపథ్య గానం: బాలు, సుశీల 

పల్లవి: 

వయసూ సొగసూ కలిసిన వేళా 
చేయీ చేయీ కలిపిన వేళా
ఒంపులు సొంపులు తెలిసే వేళా
ఒయ్యారాలు ఒలికే వేళా...
హాయిహాయిగా ఉంటుందీ...ఈ...
హాయిహాయిగా ఉంటుందీ

తాగుతా నీయవ్వ తాగుతా

తాగుతా నీయవ్వ తాగుతా 
డబ్బుకు లోకం దాసోహం (1973)
రచన: కొసరాజు
గానం: మాధవపెద్ది సత్యం 
సంగీతం: కె.వి.మహదేవన్ 

పల్లవి:

తాగుతా నీయవ్వ తాగుతా
తాగుబోతు నాయాళ్ళ 
తల్లో దూరెళ్ళుతా 

​​ఏటికేతం బట్టి

​​ఏటికేతం బట్టి

చిల్లర దేవుళ్ళు (1977)
సంగీతం: మహదేవన్
రచన: దాశరథి రంగాచార్య
గానం: మనాప్రగడ నరసింహమూర్తి

పల్లవి:

ఏటికేతం బట్టి ఎయి పుట్లు పండించి
ఎన్నడూ మెతుకెరుగనన్నా..
నేను గంజిలో మెతుకెరుగరన్నా...
ఏటికేతం బట్టి ఎయి పుట్లు పండించి
ఎన్నడూ మెతుకెరుగనన్నా..
నేను గంజిలో మెతుకెరుగరన్నా...
నేను గంజిలో మెతుకెరుగరన్నా...

అనురాగ దేవత నీవే

అనురాగ దేవత నీవే
చిత్రం: కుమారరాజా (1978)
సంగీతం: కె.వి. మహదేవన్
గీతరచయిత: వేటూరి
నేపధ్య గానం: బాలు

పల్లవి:

అనురాగ దేవత నీవే..
నా ఆమని పులకింత నీవే
నా నీడగా ఉంది నీవే..
నీ తోడుగా ఉండనీవే.. ఉండిపోవే
అనురాగ దేవత నీవే..
నా ఆమని పులకింత నీవే
నా నీడగా ఉంది నీవే..
నీ తోడుగా ఉండనీవే..
ఉండిపోవే...

కొత్త పెళ్ళికూతురా రారా

కొత్త పెళ్ళికూతురా రారా
చిత్రం :  సుమంగళి (1965)
సంగీతం :  కె.వి. మహదేవన్
గీతరచయిత :  ఆచార్య ఆత్రేయ
నేపధ్య గానం : జమునారాణి, వసంత, ఎల్.ఆర్.ఈశ్వరి, స్వర్ణలత

కొత్త పెళ్ళికూతురా రారా

కొత్త పెళ్ళికూతురా రారా
నీ కుడికాలు ముందు మోపి రారా
గుణవతి కులసతి రారా
నువు కోరుకున్న కోవెలకు రారా ||కొత్త||

అనురాగానికి కనులే లేవని

అనురాగానికి కనులే లేవని
చిత్రం : సహస్ర శిరచ్ఛేద అపూర్వ చింతామణి (1960)
సంగీతం : కె.వి.మహదేవన్
సాహిత్యం : ఆత్రేయ
గానం : సుశీల, జానకి

అనురాగానికి కనులే లేవని
ఆర్యులు అన్నారూ
అనురాగానికి కనులే లేవని
ఆర్యులు అన్నారూ
అన్నది నిజమేనన్నది
నీవు రుజువు చేసినావూ
అన్నది నిజమేనన్నది
నీవు రుజువు చేసినావూ

అనురాగానికి కనులే లేవని
ఆర్యులు అన్నారూ

వేషం చూసి మోసము పోవుట
అవివేకము అన్నారు
వేషం చూసి మోసము పోవుట
అవివేకము అన్నారు
తొలి చూపులనే వలపన్నది
మది కలిగేదన్నారు
తొలి చూపులనే వలపన్నది
మది కలిగేదన్నారు

అనురాగానికి కనులే లేవని
ఆర్యులు అన్నారూ

కన్నెను నేను
కపటము ఎరుగను
చలించితి వరించితి
కన్నెను నేను
కపటము ఎరుగను
చలించితి వరించితి
కాదని నేను అనలేను
నీ కరమును బట్టి విడలేను
కాదని నేను అనలేను
నీ కరమును బట్టి విడలేను

అనురాగానికి కనులే లేవని
ఆర్యులు అన్నారూ

మగవారల మాయల
ఎరుగను నేనూ
మగువల వలపే
తెలియదు నాకు
మగవారల మాయల
ఎరుగను నేనూ
మగువల వలపే
తెలియదు నాకు
తెలియనిదిపుడే తెలిసితిమి
తెలిసినయటులే కలిసితిమి
తెలియనిదిపుడే తెలిసితిమి
తెలిసినయటులే కలిసితిమి

అనురాగానికి కనులే లేవని
ఆర్యులు అన్నారూ
అనురాగానికి కనులే లేవని
ఆర్యులు అన్నారూ
ఆర్యులు అన్నారూ

శ్రీకరమౌ శ్రీరామ నామం

శ్రీకరమౌ శ్రీరామ నామం
చిత్రం : శ్రీ రామాంజనేయ యుద్ధం (1975)
రచన : ఆరుద్ర
సంగీతం : కె.వి.మహదేవన్
గానం : పి.సుశీల, బి.వసంత

పల్లవి :

శ్రీకరమౌ శ్రీరామ నామం
జీవామృతసారం
పావనమీ రఘురామ నామం
భవ తారకమంత్రం॥
దధిక్షీరమ్ములకన్నా ఎంతో
మధుర మధుర నామం
సదా శివుడు ఆ రజతాచలమున
సదా జపించే నామం
కరకుబోయ తిరగేసి పలికినా
కవిగా మలచిన నామం
రా... మరా... మరామ... రామ...
రామ రామ రామ రామ...॥
రాళ్లు నీళ్లపై చీల్చిన నామం
రక్కసి గుండెల శూలం॥

చరణం :

వేయి జపాల కోటి తపస్సుల
విలువ ఒక్కనామం
నిండుగ దండిగ వరములొసంగే
రెండక్షరముల నామం
ఎక్కడ రాముని భజన జరుగునో
అక్కడ హనుమకు స్థానం
చల్లని నామం మ్రోగే చోట
చెల్లదు మాయాజాలం
రామ రామ రామ సీతా
రామ రామ రామ రామ (2)॥

చరణం :

శ్రీయుతమౌ శ్రీరామ పాదం
శ్రీతజన మందారం
పావనమీ రఘురామ పాదం
పాపవినాశకరం
కలుషమ్ముల ప్రక్షాళన చేసే
గంగ చలించిన పాదం
అసురమదమ్మును పాతాళానికి
అణచివేసిన పాదం
రాతిని నాతిని చేసిన పాదం
అడవికి అందం పోసిన పాదం
నీ చరణమ్మే శరణమ్మనగా
ఇచ్చును పెన్నిధానం॥

చరణం :

అవలీలగ జలధిని దాటిన మేటి
పవనకుమారుడు పట్టే పాదం
బ్రహ్మేంద్రాదులు కొలిచే పాదం
పరబ్రహ్మ పదానికి మూలం
తాను ధరించిన పాదుకలకు
దర పట్టము కట్టిన పాదం
తమ్ముడు భరతుని తరతరాలకు
ధన్యుని చేసిన పాదం॥

సిన్నారి నవ్వు

సిన్నారి నవ్వు
చిత్రం : కృష్ణావతారం (1982)
సంగీతం : కె.వి.మహదేవన్
సాహిత్యం : ఇంద్రగంటి శ్రీకాంత శర్మ
గానం : బాలు, సుశీల

సిన్నారి నవ్వు సిట్టి తామరపువ్వు
సెరువంత చీకటిని సుక్కంత ఎలుగు
సుక్కంత ఎలుగేమొ సూరీడు గావాల
సిన్నారి సిరునవ్వు బతుకంత పండాల...

పువ్వులో పువ్వుంది బంగారు తల్లి
పువ్వులెంటే ముళ్ళు పొంచి ఉన్నాయి
మనసున్న మడిసొకడు ఈడనున్నాడు
కీడు రాకుండాను తోడుండగలడు

సిన్నారి నవ్వు సిట్టి తామరపువ్వు

ఓ కంట కన్నీరు ఉరికేను చూడు
ఓ కంట పన్నీరు కురిసేను నేడు
కన్నతల్లి మనసు మురిపాలవెల్లి
కళ్ళలో మెరిసేను అనురాగవల్లి...
ఒంటిపైన లేని మనసంతవోయి
ఒడిలోని పాపాయి వటపత్ర శాయి

హాయి.. హాయి.. హాయి..ఆపదలూ గాయీ
హాయి..హాయి..హాయి...ఆపదలూగాయీ
చిలకల్లే కులికేవు మొలకపాపాయి
హాయి ..హాయి.. హాయి.. ఆపదలూగాయీ

హాయి..హాయి..హాయి...ఆపదలూగాయీ
చిలకల్లే కులికేవు మొలకపాపాయి
హాయి..హాయి..హాయి...ఆపదలూగాయీ
చిలకల్లే కులికేవు మొలకపాపాయి

అత్తరూ లేదురా పన్నీరు లేదు
ఉడుకు నీరే చాలు మనకూ పదివేలు
సాంబ్రాణి పొగమాటు ఓ సందమామ
నీ అగులు సుక్క సోగసు అద్దానికీసు
కన్నతల్లికి కంటి పాపవే గాని
కడమాళ్లకే కంటి నలుసు వయ్యావు
నేలపై పారాడు బాల కిట్టమ్మా
నెమలీకన్నేదిరా నాకు సూపమ్మా
నేలాపై పారాడు బాలా కిట్టమ్మా
నెమలీకన్నేదిరా నాకూ సూపమ్మా