అనురాగము విరిసేనా

చిత్రం: దొంగ రాముడు (1955)

సాహిత్యం: సముద్రాల సీనియర్

సంగీతం: పెండ్యాల

గానం: సుశీల

పల్లవి : 

ఆ..ఆ ఆ ఆ....

అనురాగము విరిసేనా

ఓ..రేరాజా

అనుతాపము తీరేనా

వినువీధినేలే రాజువే

నిరుపేద చెలిపై మనసౌనా

అనురాగము విరిసేనా

ఓ..రేరాజా

అనుతాపము తీరేనా

తెలిసిందా బాబూ

దొంగ రాముడు (1955)

రచన: సముద్రాల సీనియర్

సంగీతం: పెండ్యాల

గానం: సుశీల 

పల్లవి : 

తెలిసిందా బాబూ

ఇపుడు తెలిసిందా బాబూ

తెలిసిందా బాబూ

ఇపుడు తెలిసిందా బాబూ

అయ్యవారు తెలిపే నీతులా 

ఆలించకపోతే వాతలే 

తెలిసిందా బాబూ...

శివ గోవింద గోవింద

చిత్రం: వెలుగు నీడలు (1961)

సంగీతం: పెండ్యాల

గీతరచయిత: కొసరాజు

నేపథ్యగానం: మాధవపెద్ది సత్యం, ఉడుత సరోజినీ 

పల్లవి : 

శివ గోవింద గోవింద

హరి గోవింద గోవింద 

సంతానమే లేక స్వర్గమే లేదని

చిట్టి పాపను తెచ్చి పెంచుకుంటారు 

సంతానమే లేక స్వర్గమే లేదని

చిట్టిపాపను తెచ్చి పెంచుకుంటారు

సంతు కలిగిందంటే చిట్టిపాపాయి గతి

శ్రీమతే రామానుజాయన్నమా

||శివ గోవింద||

బలే బలే మంచి రోజులులే

చిత్రం: వెలుగు నీడలు (1961)

సంగీతం: పెండ్యాల

గీతరచయిత: కొసరాజు

నేపథ్యగానం: మాధవపెద్ది, ఘంటసాల

సాకీ :  

కర్నూలు ఎక్కడా?

కాకినాడెక్కడ? 

ఏలూరు సాలూరు ఆలూరు ఎక్కడా?

వరంగల్లు ఎక్కడా?

స్టాప్...! రైల్వే గైడ్ చూడరా గురూ 

శిష్యా...! శాంతి...! శాంతి...!

వాడవాడలనుండి వాలాము ఇక్కడ 

లక్కా-బంగారంలా అతుక్కుపోయామురా 

మై డియర్ 

హహ్హహ్హహ్హ...

ఆహాఁ 

కరక్ట్ ...

పల్లవి :  

బలే బలే మంచి రోజులులే

మళ్ళీ మళ్ళీ ఇక రావులే 

స్తూడెంట్ లైఫే సౌఖ్యములే 

చీకు చింతకు దూరములే 

బలే బలే మంచి రోజులులే

మళ్ళీ మళ్ళీ ఇక రావులే

కళ్యాణ వైభవమీనాడే

కళ్యాణ వైభవమీనాడే 

చిత్రం : శ్రీ వేంకటేశ్వర మహత్యం (1960)

సంగీతం : పెండ్యాల 

సాహిత్యం : ఆచార్య ఆత్రేయ 

గానం : జిక్కి, పి.లీల

కళ్యాణ వైభవమీనాడే 

చెలి కళ్యాణ వైభవమీనాడే 

మన పద్మావతీ శ్రీనివాసుల 

కళ్యాణ వైభవమీ నాడే

చూతమురారే సుదతులందరూ

చూతమురారే సుదతులందరూ

చేతమురారే సింగారాలు 

కళ్యాణ వైభవమీనాడే

 

టనానా టంకు ఛలో

టనానా టంకు ఛలో 
నిత్య కల్యాణం పచ్చతోరణం (1960)
గానం: ఘంటసాల
సంగీతం: పెండ్యాల   
రచన: ఆరుద్ర

రైటో..హా...
టనానా టంకు ఛలో
రాజా టంకు ఛలో...
టనానా టంకు ఛలో 
రాజా టంకు ఛలో...

పదిమందిలో పాటపాడినా..

పదిమందిలో పాటపాడినా..
చిత్రం : ఆనంద నిలయం (1971)
సంగీతం : పెండ్యాల
గీతరచయిత : ఆరుద్ర
నేపధ్య గానం : ఘంటసాల

పల్లవి:

పదిమందిలో పాటపాడినా..
అది అంకితమెవరో ఒకరికే
విరితోటలో పూలెన్ని పూసినా
గుడికి చేరేది నూటికి ఒకటే...... 

!!పది!!

సన్నజాజి తీవలోయ్...

సన్నజాజి తీవలోయ్...
చిత్రం : అనురాగం (1963)
 రచన : మల్లాది రామకృష్ణశాస్త్రి
 సంగీతం : మాస్టర్ వేణు
 గానం : భానుమతి

పల్లవి :

సన్నజాజి తీవలోయ్...
 సంపంగి పూవులోయ్...
 చిలిపి సింగారులోయ్...
 పాపలు సిరులొలికే చిన్నారులోయ్...

పదపదవె వయ్యారి గాలిపటమా

పదపదవె వయ్యారి
చిత్రం: కులదైవం (1960)
సంగీతం: పెండ్యాల
గీతరచయిత: సముద్రాల (జూ)
నేపధ్య గానం: ఘంటసాల, జమునారాణి

పల్లవి:

పదపదవె వయ్యారి గాలిపటమా
పదపదవె వయ్యారి గాలిపటమా
పైన పక్షిలాగా ఎగిరిపోయి
పక్కచూపు చూసుకుంటూ
తిరిగెదవే గాలిపటమా
పదపదవె వయ్యారి గాలిపటమా

చరణం 1:

ప్రేమగోలలోన చిక్కిపోయినావా
నీ ప్రియుడున్న చోటుకై పోదువా

ఓ... ప్రేమగోలలోన చిక్కిపోయినావా
నీ ప్రియుడున్న చోటుకై పోదువా
నీ తళుకంతా నీ కులుకంతా
అది ఎందుకో తెలుసును అంతా

పదపదవె వయ్యారి గాలిపటమా
పదపదవె వయ్యారి గాలిపటమా
పైన పక్షిలాగా ఎగిరిపోయి...
పక్కచూపు చూసుకుంటూ...
తిరిగెదవే గాలిపటమా
పదపదవె వయ్యారి గాలిపటమా

చరణం 2:

నీకు ఎవరిచ్చారే బిరుదు తోక
కొని తెచ్చావేమో అంతేగాక...

ఆ... నీకు ఎవరిచ్చారే బిరుదు తోక
కొని తెచ్చావేమో అంతేగాక..
రాజులెందరూడినా మోజులెంత మారినా
తెగిపోక నిలిచె నీ తోక

పదపదవె వయ్యారి గాలిపటమా
పదపదవె వయ్యారి గాలిపటమా
పైన పక్షిలాగా ఎగిరిపోయి...
పక్కచూపు చూసుకుంటూ...
తిరిగెదవే గాలిపటమా
పదపదవె వయ్యారి గాలిపటమా

చరణం 3:

అహ..హ..అహ..హా..అహ..హా...
అహ..హ..అహ..హా
నీలి మబ్బుల్లో ఆడుకుందువేమో
మింట చుక్కల్తో నవ్వుకుందువేమో ...ఓ...

నీలి మబ్బుల్లో ఆడుకుందువేమో
మింట చుక్కల్తో నవ్వుకుందువేమో ...ఓ...

వగలాడివిలే జగదంతవులే
దిగిరాకుండా ఎటులుందువులే

పదపదవె వయ్యారి గాలిపటమా
పదపదవె వయ్యారి గాలిపటమా
పైన పక్షిలాగా ఎగిరిపోయి...
పక్కచూపు చూసుకుంటూ...
తిరిగెదవే గాలిపటమా
పదపదవె వయ్యారి గాలిపటమా

చల్లని వెన్నెల సోనలు

చల్లని వెన్నెల సోనలు
చిత్రం :  వెలుగు నీడలు (1961)
సంగీతం :  పెండ్యాల
గీతరచయిత :  శ్రీశ్రీ
నేపధ్య గానం :  సుశీల, జిక్కి

చల్లని వెన్నెల సోనలు - తెల్లని మల్లెల మాలలు
మా పాపాయి బోసినవ్వులే
మంచి ముత్యముల వానలు- "చల్లని"

పిడికిలి మూసిన చేతులు - లేత గులాబీ రేకులు పిడికిలి
మూసిన చేతులు - లేత గులాబీ రేకులు పిడికిలి
చెంపకు చారెడు సోగకన్నులే
సంపదలీనెడు జ్యోతులు
మా పాపాయి బోసినవ్వులే మంచి ముత్యముల వానలు -"చల్లని"

ఇంటను వెలసిన దైవము - కంటను మెరిసిన దీపం

మా హృదయాలకు హాయి నొసంగే
పాపాయే మా ప్రాణము "ఇంటను"

చల్లని వెన్నెల సోనలు - తెల్లని మల్లెల మాలలు
మా పాపాయి నవ్వు పువ్వులె
మంచి ముత్యముల వానలు
నోచిన నోముల పంటగ - అందరి కళ్ళకు విందుగా
పేరు ప్రతిష్టలె నీ పెన్నిథిగా
నూరేళ్ళాయువు పొందుమా

-చల్లని

ఈ పాటను శ్రీశ్రీ రాయగా సుశీల, జిక్కి ఆలపించారు. సావిత్రి, గిరిజ అభినయించారు. సన్నివేశ ప్రాధాన్యంగా సూర్యకాంతం, ముగ్గురు చిన్నపిల్లలు ఏడాదిలోపు, రెండు మూడేళ్ళలోపు, అయిదారేళ్ళ లోపు పిల్లలు కనిపిస్తారు. పుట్టి పెరుగుతున్న పిల్లవాణ్ణి పెంచుతున్న కన్నతల్లి హృదయం, ఆ పిల్లవాడిపై మమకారం పెంచుకున్న మరో మాతృ హృదయం - స్పందిస్తే ఎటువంటి భావాలు కలుగుతాయో వాటినే అక్షర రూపంలో అందించారు శ్రీశ్రీ. పరకాయ ప్రవేశ విద్య మంచి కవికి అంతర్లీనంగా ఉంటుందనటానికి ఈ పాట ఓ ఉదాహరణ.

ఇక్కడ ఆనాటి విలువల గురించి మరోసారి చెప్పుకోవాలి. పాట మొదట్లో మా పాపాయి బోసిననవ్వులె మంచి ముత్యముల వానలు - అని ఉంటుంది. తర్వాత నుంచి - మా పాపాయి నవ్వు పువ్వులె మంచి ముత్యముల వానలు - గా ఆ లైను రూపాంతరం చెందుతుంది. అందుకు కారణం - పిల్లవాడు పెరిగి బోసి నవ్వుల స్థాయి నుండి పళ్ళొచ్చాక అందంగా నవ్వేటంతగా పెద్దవాడయ్యాడు - అని ఎస్టాబ్లిష్ చెయ్యాలనుకోవటమే! నిర్మాత, దర్శకుడు, పాటల రచయిత కలిసి కూర్చుని అనుకుంటేనే గాని ఇంత లోతైన అవగాహన కలగదు. ఆనాడు ఉన్నదీ, ఈనాడు కొరవడుతున్నదీ అదే!

ఈ పాటను వకుళాభరణం రాగం ఆధారంగా స్వరపరిచారు. 'ఇంటను వెలిసిన దీపము' చరణానికి చక్రవాక రాగాన్ని, 'నోచిన నోములు పండగా' చరణం వద్ద మాయా మాళవ రాగాన్ని స్పృశించినా వకుళాభరణ రాగాన్నే ప్రధానంగా చేసుకుని పాటను నడపడం జరిగింది. ఈ పాటకు బెంగాలీలో గీతారయ్ పాడిన 'కాజల్ కాజల్ కుమ్ కుమ్' అనే ప్రైవేట్ గీతం ట్యూన్ ఆధారం అని శ్రీ.వి.ఎ.కె. రంగారావు తన 'ఆలాపన' శీర్షికలో పేర్కొన్నారు.

మనసూగే సఖ తనువూగే

నాగిని చిత్రంలోని -'తన్ డోలే మేరా మన్ డోలే’ ట్యూన్ ఆధారంగా రూపొందిన యుగళ గీతం.
ఎన్టీఆర్, జమునలపై ఆహ్లాదకర చిత్రీకరణ -మనసూగే సఖ తనువూగే ప్రియా మదిలో.

మనసూగే సఖ తనువూగే
చిత్రం: భాగ్యరేఖ (1957)
సంగీతం: పెండ్యాల
గీతరచయిత: దేవులపల్లి కృష్ణశాస్త్రి
నేపధ్య గానం: ఏ.ఎమ్.రాజా, పి. సుశీల

మనసూగే సఖ తనువూగే ప్రియ
మదిలో సుఖాల డోలలూగే
ఏ మధువా నేనోయి ప్రియా

వయసూగే చెలి సొగసూగే
ప్రియ వగలాడి ఓర చూపులూగే
ఏ మధువా నేనో సఖియా

మలుపు మలుపు కడ నిలిచీ
చెవిలో మంతనాలు ఊదాలి.
కలసి మెలసి కలకాలమిలాగే
మధురయాత్ర సాగాలి
ఇలాగే మధురయాత్ర సాగాలి
మనసూగే సఖ తనువూగే ప్రియ
మదిలో సుఖాల డోలలూగే
ఏ మధువా నేనోయి ప్రియా

అలలూగే మది కలలూగే ప్రియ
తెలివాక పూల నౌక ఊగే
ఏ వలపూపేనోయి ప్రియా

రేవు రేవు కడ కనులు కనులతో
మూగబాస లాడాలి
పైరగాలి పన్నీటి ఏటిపై
పడవ సాగిపోవాలి
ఇలాగే పడవ సాగిపోవాలి
మనసూగే సఖ తనువూగే ప్రియ
మదిలో సుఖాల డోలలూగే
ఏ మధువా నేనోయి ప్రియా 

దాచిన దాగదు వలపు

దాచిన దాగదు వలపు
చిత్రం : ఉయ్యాల జంపాల (1965)
రచన : ఆరుద్ర
సంగీతం : పెండ్యాల నాగేశ్వరరావు
గానం : ఘంటసాల, పి.సుశీల

పల్లవి :

దాచిన దాగదు వలపు
ఇక దాగుడుమూతలు వలదు॥
చక్కని కోపము చల్లని తాపము (2)
ఎందుకు మనలో మనకు ॥

చరణం : 1

కనుచూపుల కమ్మని కులుకు
నను దోచుట మునుపే తెలుసు॥
మనసంతా తనదైతే మరి చోరీ ఎందులకు
పూసలో దారమై... పూవులో తావియై (2)
కలిసెను మనసు మనసు॥

చరణం : 2

ఒక తీయని మైకము కలిగే
నెరవెన్నెల కన్నుల వెలిగే
॥తీయని॥
కలలందు హృదయాలు
వినువీధులలో ఎగిరే
ఇరువురూ ఏకమై
ఒక్కటే ప్రాణమై
ఇరువురూ ఏకమై
ఒక్కటే ప్రాణమై
ముచ్చట గొలుపగ వలయు॥

తడికో తడిక

తడికో తడిక
సంగీతం: పెండ్యాల
అత్తా ఒకింటి కోడలే (1958)
రచన: ఆరుద్ర
గానం: పిఠాపురం,  స్వర్ణ లత

పల్లవి::

మాయదారి కీచులాట మా మధ్య వచ్చింది
రాయబారం చెయ్యవే తడికో తడిక
నువు రాయబారం చెయ్యవే తడికో తడిక

ఆడి వొగలమారి మాటలకు వొళ్ళంతా మండుతుందీ
రాయబారమెందుకే తడికో తడిక
నీ రాయబారమెందుకే తడికో తడిక

నేను ముక్కు పుడక తెచ్చాను ముంత గూట్లో పెట్టాను
పెట్కొమని దాన్ని పెట్కొమని బేగి పెట్కొమని
చెప్పవే తడికో తడిక

ఓ..ఆడి ముక్కు పుడక ముక్కలవ్వ చూడబోతె రాళ్ళు లేవు
తిప్పబోతె చిన్నమెత్తు శీల లేదు
ఆడి పోసుకోలు మాటలకుమోసపోను నేనింక
పొమ్మని చెప్పవే తడికో తడిక

మాయదారి కీచులాట మా మధ్య వచ్చింది
రాయబారం చెయ్యవే తడికో తడిక
నువు రాయబారం చెయ్యవే తడికో తడిక

నేను పట్టు చీర తెచ్చాను పెట్టెలోన పెట్టాను
కట్కొమని దాన్ని కట్కొమని బేగి కట్కొమని
చెప్పవే తడికో తడిక
అ తడికొ అ తడికొ అ తడిక తడిక తడికో

ఓ.....

ఆడి పట్టు చీరకంచు లేదు కట్టబోతె చెంగు లేదు
తెచ్చినాడి తెలివి తెల్లారిపోను
ఆడి ఇచ్చకాల మాటలకు ఇరిగింది నా మనసు
ఇడిసి పొమ్మనవే తడికో తడిక
నన్నిడిసి పొమ్మనవే తడికో తడిక
అ తడికొ అ తడికొ అ తడిక తడిక తడికో

రమణి ముద్దులగుమ్మ తాను రాజీకి రాకుంటే
రాతిరి శివ రాతిరే తడికో తడిక
ఈ ఏటికేడు ఏకాశే తడికో తడిక'

వంకాయ వండాను వరి కూడు వార్చాను
తినమని చెప్పవే తడికో తడిక
ఆణ్ణి తినమని చెప్పవే తడికో తడిక

వగలాడి చేతుల్తో వడ్డనా చేయకున్న
దిగదని చెప్పవే తడికో తడిక
ముద్ద దిగదని చెప్పవే తడికో తడిక
అ తడికొ అ తడికొ అ తడిక తడిక తడికో

ఆడి ఇచ్చకాల మాటలకు ఇరిగింది నా మనసు
ఇడిసి పొమ్మనవే తడికో తడిక
నన్నిడిసి పొమ్మనవే తడికో తడిక
అ తడికొ అ తడికొ అ తడిక తడిక తడికో

చిన్నారి పొమ్మంటె సన్నాసం పుచ్చుకొని
ఇంటికింక రానే తడికో తడిక
ఇది ఇవరంగ చెప్పవే తడికో తడిక

సన్నాసం ఎందుకు అన్యాలం చెయ్యకు
నిన్నిడిసి ఉండలేను మావోయి మావ
నేనిన్నిడిసి ఉండలేను మావోయి మావ
నేనిన్నిడిసి ఉండలేను మావోయి మావ
అ మావోయి మావోయి మావ

నా కంటిపాపలో నిలిచిపోరా

నా కంటిపాపలో నిలిచిపోరా
చిత్రం :  వాగ్ధానం (1961)
సంగీతం :  పెండ్యాల
గీతరచయిత :  దాశరథి
నేపధ్య గానం :  ఘంటసాల, సుశీల

పల్లవి :

ఊ..ఉ...ఉ...
నా కంటి పాపలో నిలిచిపోరా
నీ వెంట లోకాల గెలువనీరా...
నా కంటి పాపలో నిలిచిపోరా
నీ వెంట లోకాల గెలువనీరా
నా కంటి పాపలో నిలిచిపోరా
నీ వెంట లోకాల గెలువనీరా
ఆ..ఆ..ఆ..ఆ...

చరణం 1 :

ఈ నాటి పున్నమి ఏ నాటి పున్నెమో
జాబిలి వెలిగేను మనకోసమే...
అహ..హా..ఆ..
ఈ నాటి పున్నమి ఏ నాటి పున్నెమో
జాబిలి వెలిగేను మనకోసమే...
నెయ్యాలలో తలపుటుయ్యాలలో...
నెయ్యాలలో తలపుటుయ్యాలలో
అందుకొందాము అందని ఆకాశమే...

నా కంటి పాపలో నిలిచిపోరా
నీ వెంట లోకాల గెలువనీరా...

చరణం 2 :

ఆ చందమామలో ఆనంద సీమలో వెన్నెల స్నానాలు చేయుదమా
అహ..హా..ఆ..
ఆ చందమామలో ఆనంద సీమలో వెన్నెల స్నానాలు చేయుదమా
మేఘాలలో వలపు రాగాలలో...
మేఘాలలో వలపు రాగాలలో....
దూర దూరాల స్వర్గాల చేరుదమా....

నా కంటి పాపలో నిలిచిపోరా
నీ వెంట లోకాల గెలువనీరా...

చరణం 3 :

ఈ పూలదారులూ ఆ నీలి తారలు తీయని స్వప్నాల తేలించగా
అహ..హా..ఆ..
ఈ పూలదారులూ ఆ నీలి తారలు తీయని స్వప్నాల తేలించగా
అందాలనూ తీపి బంధాలను...
అందాలనూ తీపి బంధాలను...
అల్లుకుందాము డెందాలు పాలించగా...

నా కంటి పాపలో నిలిచిపోరా
నీ వెంట లోకాల గెలువనీరా...
ఆ..ఆ..ఆ..ఆ.ఆ..ఆ..ఆ
నా కంటి పాపలో నిలిచిపోరా
నీ వెంట లోకాల గెలువనీరా...