సై..రా నరసింహారెడ్డి.. రెడ్డీ

సై..రా నరసింహారెడ్డి – జానపదగీతం
వర్గం: వీధిగాయకుల పాట
పాడటానికి అనువైన రాగం: కాంభోజి స్వరాలు (ఆదితాళం)
పాటను సేకరించినవారు: కీ.శే. కలిమిశెట్టి మునెయ్య

సై..రా నరసింహారెడ్డి.. రెడ్డీ
నీ పేరే బంగారు కడ్డీ.. రెడ్డీ
సై.. సై..రా నరసింహారెడ్డి.. రెడ్డీ
నీ పేరే బంగారూ కడ్డీ..రెడ్డీ

దాని సొమ్మేమైన తింటీనా

దాని సొమ్మేమైన తింటీనా
దానెబ్బ గంటేమైన తింటీనా
దీని సొమ్మేమైన తింటీనా
ఈళ్ళ నాయన గంటేమైన తింటీనా

దాని సొమ్మేమైన తింటీనా
దానెబ్బ గంటేమైన తింటీనా
దీని సొమ్మేమైన తింటీనా
ఈళ్ళ నాయన గంటేమైన తింటీనా

సీరెల్ కావలెనా – రయికల్ కావలెనా

సీరెల్ కావలెనా – రయికల్ కావలెనా
వర్గం: జట్టిజాం పాట

పాడటానికి అనువైన రాగం: హిందుస్తాని తోడి రాగస్వరాలు (ఆదితాళం)

అందమైన మేనత్త కొడుకు పైన ఆపలేని అనురాగం పెంచుకుంది ఆ పల్లె పడుచు.
అందుకే బావ చీరెలూ, సొమ్ములూ తెచ్చిస్తానని సెప్పినా వద్దంటుంది ఆ మరదలు పిల్ల.
ఆ మరదలు పిల్ల మనసులోని మాటను జానపదులు ఇలా పాటలా పాడుకుంటారు…

సీరెల్ కావలెనా – రయికల్ కావలెనా
నీకేం కావాలనే మైదుకూరు సంతలోనా

సీరల్ నా కొద్దురో – రయికల్ నా కొద్దురో
నీవే నీవే నీవే కావాలరో రంగమ్మత్త కొడుకా

కమ్మల్ కావలెనా – కడియాల్ కావలెనా
నీకేం కావలనే పొద్దుటూరు సంతలోనా

కోడి పిల్లో… అబ్బో కోడి పిల్లా..

కోడి పిల్లో… అబ్బో కోడి పిల్లా..
గానం: మునెయ్య
సంగీతం: జి. ఆనంద్

కోడి పిల్లో… అబ్బో కోడి పిల్లా..
ఆ మాటలంటదే కోడిపిల్ల

ఆ.. మాటలంటదే
ఆ..లాగనంటదే
ఆ..మైన అంటదే
ఆ.. లయ్యబడ్తదే కోడిపిల్ల!

కోయ్యీ కోయంగానే…కోడి కూత మానేసి
కైలాసం నేనూ పోయినానంటదే
ఆ మాటలంటదే కోడిపిల్ల!!

దిబ్బమీదికొంచబోయి …
బొచ్చు గిచ్చు ఈకుతాంటే (౩)
అహా.. సిలంకూరి సిన్నప్ప.. శవరం సేసినానంటదే (2)

తుమ్మేదలున్న యేమిరా... దాని కురులు

తుమ్మేదలున్న యేమిరా... దాని కురులు
గానం: మునెయ్య, వనజ
సంగీతం: జి. ఆనంద్

అతడు : తుమ్మేదలున్న యేమిరా... దాని కురులు
కుంచెరుగుల పైన - సామంచాలాడెవేమిరా

ఆమె : ఏటికి పోరా శాపల్‌ తేరా - బాయికి పోరా నీళ్లు తేరా
బండకేసి తోమర మగడ - సట్టికేసి వండర మగడా
శాపల్‌ నాకు శారూ నీకూరా
ఒల్లోరె మగడా! బల్లారం మగడా
బంగారం మగడా... అహ
శాపల్‌ నాకు శారూ నీకూరా || తుమ్మేద ||

మందులోడో ఓరి మాయలోడా

మందులోడో ఓరి మాయలోడా
గానం: మునెయ్య, స్వర్ణలత
సంగీతం: జి. ఆనంద్

మందులోడో ఓరి మాయలోడా మామ రారా గోగు తిన్నవాడా
మందులోడో ఓరి మాయలోడా మామ రారా గోగు తిన్నవాడా

మాటిమాటికి నన్ను మాటిమాటికి నన్ను మందులోడంటావు
మందులోడన్న సంగతి ముందెరిక లేదా
రాములమ్మో రాములమ్మో రమణి ముద్దుల గుమ్మా

మందులోడో ఓరి మాయలోడా మామ రారా గోగు తిన్నవాడా
మందులోడో ఓరి మాయలోడా మామ రారా గోగు తిన్నవాడా

గుండె నేప్యానినేను గుండె నేప్యానినేను గుమ్మములో కూకుంటే
గుమ్మడాకు పసరు రాసి గుణమే మార్చావురో

కడుపునొప్పాని నేను కడుపునొప్పాని నేను కల్లములో కూకుంటే (కల్లము=మంచము)
కరెంటు తెచ్చి నా కళ్ల కేసావురా

రాళ్ళ నెక్లేసు నేను రాళ్ళ నెక్లేసు నేను పెట్టేటి పిల్లను నా
రాగి ఉంగరాల రాత రాసావుర మామో

పట్టు దొర చీరను నే పట్టు దొర చీరను నే కట్టేటి పిల్లను నా
పాకీ చీరల రాత రాసావుర మామో

మై బోల్తుం సునో రాజా

మై బోల్తుం సునో రాజా
రాయలసీమ
జానపద నవరత్నాలు
గానం: మునెయ్య
సంగీతం: జి. ఆనంద్

మై బోల్తుం సునో రాజా
నే చెప్తానొక మాటా
మై బోల్తుం సునో రాజా

గడ్డానికున్నది గరికె
దాన్ని గుఱ్ఱమొచ్చి పెరక
గుఱ్ఱమొచ్చి పెరక
వాడు మొత్తుకుంట ఉరక

సెన్నంపల్లె శెనగల్
అవి ఏగుతున్నయ్ పప్పుల్
మా అక్కకొచ్చెన్ నొప్పుల్
మా బావకొచ్చెన్ తిప్పల్

దావణ బోయేది బండి
ఆ బండి కున్నది గండి
రూపాయ కున్నది వడ్డి
వాళ్ళ నాయనకేమో నడ్డి

తమ్మూడు పెద్ద జ్ఞాని
వానికున్నదొక్క గూని
అన్నాకు పెద్ద ఛాతీ
వాడ్ని చూస్తే కోతి మూతి