ద్వైతము సుఖమా

ద్వైతము సుఖమా
త్యాగరాజు కీర్తనలు
రీతిగౌళ - ఆది
ప్రియా సిస్టర్స్

పల్లవి:

ద్వైతము సుఖమా అద్వైతము సుఖమా ద్వై..

అను పల్లవి:

చైతన్యమా విను సర్వసాక్షీ వి
స్తారముగాను దెల్పుము నాతో ద్వై..

చరణము(లు):

గగన పవన తపన భువనాద్యవనిలో
నగధరాజ శివేంద్రాది సురలలో
భగవద్భక్తవరాగ్రేసరులలో
బాగ రమించే త్యాగరాజార్చిత ద్వై..

తెరతీయగరాదా

తెరతీయగరాదా
త్యాగరాజు కృతులు
గౌళిపంతు - ఆది
ప్రియా సిస్టర్స్

పల్లవి:

తెరతీయగ రాదా (నా)లోని
తిరుపతి వెంకటరమణ మత్సరమను ॥తె॥

అను పల్లవి:

పరమపురుష ధర్మాదిమోక్షముల
పారదోలుచున్నది నాలోని ॥తె॥

చరణము(లు):

వాగురయని తెలియక మృగ గణములు
వచ్చి తగులురీతి యున్నది
వేగమే నీ మతము ననుసరించిన
త్యాగరాజనుత! మదమత్సరమను ॥తె॥

ఇరవొందగ భుజియించు సమయమున
ఈగ తగులురీతి యున్నది
హరిధ్యానము సేయువేళ చిత్తము
అంత్యజువాడకుఁ బోయినట్లున్నది ॥తె॥

మత్స్యము ఆకలిగొని గాలముచే
మగ్నమైనరీతి యున్నది
అచ్చమైన దీప సన్నిధిని మరు
గిడఁబడి చెఱిచినట్లున్నది ॥తె॥