కొంగుపట్టి లాగాడే

కొంగుపట్టి లాగాడే
కోరుకున్న ప్రియుడు (1997)
సిరివెన్నెల
కోటి
చిత్ర, బాలు

కొంగుపట్టి లాగాడే కోరుకున్న ప్రియుడు
అందె గట్టి ఆడేనే అందగత్తె హొయలు
మోగే సన్నాయి తోన సుముహూర్తం చేరిందనీ
కాగే కౌగిళ్ళలోన శుభకార్యం కానుందని
చందమామే అంది ఎద సంద్రమై పొంగింది
ఆ నింగీ నేలా ఏకం చేసే ఆనందంలో
కొంగుపట్టి లాగాడే కోరుకున్న ప్రియుడు
అందెగట్టి ఆడేనే అందగత్తె హొయలు

చరణం 1:

ఎదురు చూసే ఆషాడమేఘం
చెలిమి జల్లై చేరే వేళ
పురులు విరిసి తనువు మెరిసే
వలపు హరివిల్లుగా

ఎదను మీటే కళ్యాణరాగం
చిలిపి గీతం పాడే వేళా
వధువు ప్రాయం నిదుర లేచే వరద గోదారిలా
ముచ్చట తీర్చగ ముందుకు వచ్చిన అనురాగమా
వెచ్చని వేడుక ముంగిట వేచిన జతచేరుమా
సోయగాల సిరులు సుస్వాగతం అంటుంటే
ఆ నింగీ నేలా ఏకం చేసే ఆనందంలో
కొంగుపట్టి లాగాడే కోరుకున్న ప్రియుడు
అందె గట్టి ఆడేనే అందగత్తె హొయలు

చరణం 2:

నిమిషమైనా నిను వీడిపోక
నిలిచిపోనా నా శశిరేఖ
పగడమంటి పెదవిపైన చలువ చిరునవ్వుగా

మనసునేలే మారాజువేగా
సొగసు రాజ్యం సొంతం కాదా
తనివి తీరా అణువు అణువు అందుకో కానుకా
ఆశల తోటకి ఆమని తెచ్చిన ఓ మేనకా
ప్రతి ఒక రేయి కౌగిలి పున్నమి కావాలిగా
కన్నె నాగై నన్ను నువ్వల్లుకుంటూ వుంటే
ఆ నింగి నేల ఏకం చేసే ఆనందంలో
కొంగుపట్టి లాగాడే కోరుకున్న ప్రియుడు
అందె గట్టి ఆడేనే అందగత్తె హొయలు
మోగే సన్నాయి తోన సుముహూర్తం చేరిందని
కాగే కౌగిళ్లలోన శుభకార్యం కానుందని
చందమామే అంది ఎద సంద్రమై పొంగింది
ఆ నింగీ నేలా ఏకం చేసే ఆనందంలో