నిన్నేనా.. నేను
సెల్యూట్ (2008)
హారిస్ జయరాజ్,
సాధనా సర్ గమ్
నిన్నేనా.. నేను చూస్తుంది నిన్నేనా...
నిన్నేనా.. నేను చూస్తుంది నిన్నేనా..
నువ్వేనా.. నువ్వులా ఉన్న ఎవరోనా..
కోపంలో నిప్పులకొండలా..
రూపంలో చుక్కలదండలా..
నవ్వులో చిలకమ్మలా..
చిన్నారుల చేతికి బొమ్మలా..
ఇంతకీ నువ్ ఒకడివా వందవా…
ఎంతకీ నువ్ ఎవరికీ అందవా..కొత్తగా లవ్ లో పడుతుంటే..
కొద్దిగా ఇదిలా ఉంటుందే..
ముందుగా మనసుకి తెలిసుంటే..
ముందుకే నెడుతూ ఉంటుందే..
తప్పుకోవాలనుకుంటూనే..
తప్పుకోలేననుకుంటుందే..
నొప్పిలో తీపి కలుస్తుందే..
రెప్పలో రేపు మరుస్తుందే..
||నిన్నేనా||
చరణం 1
తడవక నడిపే గొడుగనుకోనా..
అడుగుల సడిలో పిడుగైనా..
మగతనిపించే.. మగతనమున్నా..
మునివనిపించే.. బిగువేనా..
ముళ్ళలా నీ కళ్ళిలా నను గిల్లిపోతున్నవా..
పువ్వులా నా సున్నితాన్నే కాపు కాస్తున్నవా..
నాకేమవుతావో.. చెప్పవ ఇపుడయినా..
చెప్పమని అడిగేం లాభంలే..
ఎప్పుడో పొందిన ఆన్సర్ లే ఉత్తినే వేసే క్వశ్చన్ లే..
ఊరికే తీసే ఆరాలే.. నిద్ర చెడగొట్టే నేరాలే..
కుదురుగా ఉంచని తొందరలే…
దరిమిలా అంతా నీ వల్లే,
అంటు నిలదీసే నిందల్లే…
||నిన్నేనా||
చరణం 2
బిత్తరపోయే బెదురొదిలించూ..
కొత్తగ తెగువే కలిగించు
కత్తెర పదునై బిడియం తెంచు..
అత్తరు సుడివై నను ముంచు..
చెంప కుట్టే తేనె పట్టై ముద్దులే తరమనీ..
చెమట పుట్టే పరుగు పెట్టి హద్దులే కరగనీ..
అని అడగాలన్నా.. అడిగేయ లేకున్నా…
||చెప్పమని|| ||నిన్నేనా||