తలనిండ పూదండ దాల్చిన రాణి

ఓలేటి గారు కూడా ఇదే పాటను పాడారు.

సాకీ:

ఆ రజనీకర మోహన బింబము
నీ నగుమోమును బోలునటె
కొలనిలోని నవకమల దళమ్ములు
నీ నయనమ్ముల బోలునటే..
ఎచట చూచినా, ఎచట వేచినా
నీ రూపమదే కనిపించినదే..

తలనిండ పూదండ దాల్చిన రాణి
మొలక నవ్వులతోడ మురిపించబోకె

తలనిండ పూదండ దాల్చిన రాణి
మొలక నవ్వులతోడ మురిపించబోకె

పూలవానలు కురియు మొయిలువో
మొగలి రేకులలోని సొగసువో..

పూలవానలు కురియు మొయిలువో
మొగలి రేకులలోని సొగసువో..

నారాణి తలనిండ పూదండ దాల్చిన రాణి
మొలక నవ్వుల తోడ మురిపించబోకే

నీ మాట బాటలో నిండే మందారాలు
నీ పాట తోటలో నిగిడే శృంగారాలు

నీ మాట బాటలో నిండే మందారాలు
నీ పాట తోటలో నిగిడే శృంగారాలు

నీ మేనిలో పచ్చ చేమంతి అందాలు...
నీ మేనిలో పచ్చ చేమంతి అందాలు...
నీ నీలవేణిలో నిలిచే ఆకాశాలు

తలనిండ పూదండ దాల్చిన రాణి
మొలక నవ్వుల తోడ మురిపించబోకే
మొలక నవ్వుల తోడ మురిపించబోకే