ఉండిపో ఉండిపో

ఉండిపో ఉండిపో
ఇస్మార్ట్ శంకర్ (2019)
మణిశర్మ
భాస్కరభట్ల రవికుమార్
అనురాగ్ కులకర్ణి, రమ్య బెహరా

ఉండిపో ఉండిపో చేతిలో గీతలా ..
ఎప్పుడూ ఉండిపో నుదుటిపై రాతలా ..
ఉండిపో ఉండిపో కళ్లలో కాంతిలా ..
ఎప్పుడూ ఉండిపో పెదవిపై నవ్వులా
నీతోనె నిండిపోయే నా జీవితం
వదిలేసి వెళ్లనంది ఏ జ్ఞాపకం..

మనసే మొయ్యలేనంతలా
పట్టి కొలవలేనంతలా
విప్పి చెప్పలేనంతలా
హాయే కమ్ముకుంటోందిగా
ఏంటో చంటిపిల్లాడిలా
నేనే  తప్పిపోయానుగా
నన్నే వెతుకుతూ ఉండగా
నీలో దొరుకుతున్నానుగా

ఉండిపో ఉండిపో చేతిలో గీతలా ..
ఎప్పుడూ ఉండిపో నుదుటిపై రాతలా ..

సరికొత్త తడబాటే
మారింది అలవాటులాగా
ఇది చెడ్డ అలవాటే
వదిలేసి ఒకమాటు రావా
మెడ వంపు తాకుతుంటే మునివేళ్లతో
బిడియాలు పారిపోవా ఎటువైపుకో
ఆహా సన్నగా సన్నగా
సన్న జాజిలా నవ్వగా
ప్రాణం లేచి వచ్చిందిగా
మళ్ళీ పుట్టినట్టుందిగా
ఓహో మెల్లగా మెల్లగా
కాటుక్కళ్ళనే  తిప్పగా
నేనో రంగులరాట్నమై
చుట్టూ తిరుగుతున్నానుగా

తలనిమిరే చనువౌతా
నువ్ గాని పొలమారుతుంటే
ఆ మాటే  నిజమైతే..
ప్రతిసారి పొలమారిపోతా..
అడగాలి గాని నువ్వు అలవోకగా
నా ప్రాణమైన ఇస్తా అడగొచ్చుగా..
ప్రాణం నీదని నాదని
రెండూ వేరుగా లేవుగా
ఎపుడో కలుపుకున్నాం కదా
విడిగా ఉండలేనంతగా
ఉందాం అడుగులో అడుగులా
విందాం ప్రేమలో గలగల
బంధం బిగిసిపోయిందిగా
అంతం కాదులే మన కథ