అందాల రాక్షసివే

అందాల రాక్షసివే
చిత్రం: ఒకే ఒక్కడు (1999)
సంగీతం: ఏ. ఆర్. రెహమాన్
సాహిత్యం: ఏ.ఎమ్.రత్నం, శివ గణేష్
గానం: హరిణి, యస్. పి. బాలు

అందాల రాక్షసివే
గుండెల్లో గుచ్చావే
మిఠాయి మాటలతో తూటాలు పేల్చావే
కొడవలితో కసిగా మనసే కోశావే
అందాల రాక్షసివే గుండెల్లో గుచ్చావే
కొడవలితో కసిగా మనసే కోశావే
గడ్డి మొక్కకు కోత తెలియునా బాలకొమరినే కానా
నీటి కొంగను చేప మింగునా జరుగునా
బైట పూసినా లోన కాసెడి శనగ తోటను మామా
మెలిక తిప్పుతూ కాయలొలిచెడి తుంటరి సుమా
చిలకా రామ చిలకా
మొలకా ప్రేమ మొలకా

అందాల రాక్షసివే గుండెల్లో గుచ్చావే
కొడవలితో కసిగా మనసే కోశావే

సూర్యుణ్ణి  రెండు చేసి కళ్ళలోన దాచుకుందో అహ...ఓ
చందురుణ్ణి కంటిపాపలోన తాను ఉంచుకుందో ఓ...
రాతిరిని పట్టుకొచ్చి కాటుకల్లె పెట్టెదనా అహ...ఓ
మిణుగురులు అంటించి బుగ్గలకు నిగ్గు తేనా ఓ...
పొగడి నను రెచ్చగొట్టి నిద్ర చెడగొట్టకయ్యా
తలగడగా నాకొక్కా పంచె నువ్వీయవయా కనులా కునుకే కలయా
చిలకా రామ చిలకా
మొలకా ప్రేమ మొలకా

అందాల రాక్షసివే గుండెల్లో గుచ్చావే
మిఠాయి మాటలతో తూటాలు పేల్చావే
కొడవలితో కసిగా మనసే కోశావే

కొండపల్లి బొమ్మతోటి జంటచేరి ఆడకుందాం
కొండపల్లి బొమ్మతోటి జంటచేరి ఆడకుందాం

తేనెపట్టు పట్టుబట్టి పాడు చేయ శపథమా అహ...ఓ
ప్రేమంటే పార్టీ విడిచీ పార్టీ మార్చు విషయమా ఓ...
కన్నెపిల్ల సైగ చేస్తే తలక్రిందులౌదువా అహ...ఓ
నే నడుచు నీడలోన నీవుండ సమ్మతమా
నేగనక నీరైతే నీ నుదుటపై నే జారి
అందాల నీ ఎదపై హుందాగ కొలువుంటా
కానీ అన్నీ కలలే
చిలకా రామ చిలకా
మొలకా ప్రేమ మొలకా

అందాల రాక్షసివే గుండెల్లో గుచ్చావే
మిఠాయి మాటలతో తూటాలు పేల్చావే
కొడవలితో కసిగా మనసే కోశావే
గడ్డి మొక్కకు కోత తెలియునా బాలకొమరినే కానా
నీటి కొంగను చేప మింగునా జరుగునా
బైట పూసినా లోన కాసెడి శనగ తోటను మామా
మెలిక తిప్పుతూ కాయలొలిచెడి తుంటరి సుమా