నీ కళ్ళతోటి
తులసి (2007)
దేవిశ్రీప్రసాద్
భాస్కరభట్ల
సాగర్, చిత్ర
నీ కళ్ళతోటి నా కళ్ళలోకి చూస్తేనె చంద్రోదయం
నీ చూపుతోటి నను తాకుతుంటే తనువంత సూర్యోదయం
ఇలాగే ఇలాగే మనం ఏకమయ్యే క్షణాలే కదా ఓ వరం
అలాగే అలాగే ప్రపంచాలు పలికే కథవ్వాలి మనమిద్దరం…
నీ కళ్ళతోటి నా కళ్ళలోకి చూస్తేనె చంద్రోదయం
నీ చూపుతోటి నను తాకుతుంటే తనువంత సూర్యోదయం
అడుగునౌతాను నీవెంట నేను తోడుగా నడవగా చివరిదాకా
గొడుగునౌతాను ఇకపైన నేను వానలో నిన్నిలా తడవనీక
నిన్నొదిలి క్షణమైనా అసలుండలేను చిరునవ్వు నౌతాను పెదవంచునా
నీ లేత చెక్కిళ్ళ వాకిళ్ళ లోన తోలి సిగ్గు నేనవ్వనా....
నీ కళ్ళతోటి నా కళ్ళలోకి చూస్తేనే చంద్రోదయం
నీ చూపుతోటి నను తాకుతుంటే తనువంత సూర్యోదయం
వెన్నెలౌతాను ప్రతి రేయి నేను చీకటే నీదరికి చేరకుండా
వూపిరౌతాను నీలోన నేను ఎన్నడు నీ జతే వదలకుండా
నా రాణి పాదాలు ముద్దాడుకుంటూ నేనుండి పోతాను పారాణిలా
చిరుచెమట పడుతుంటే నీ నుదుటి పైన వస్తాను చిరుగాలి లా..