ఇయ్యాలె అచ్చమైన దీపావళి

ఇయ్యాలె అచ్చమైన దీపావళి
చిత్రం : మామగారు (1991)
రచన : సిరివెన్నెల
సంగీతం : రాజ్-కోటి
గానం : బాలు, స్వర్ణలత

పల్లవి :

ఇయ్యాలె అచ్చమైన దీపావళి
వెయ్యేళ్ళు నిత్యమైన దీపావళి

ఇయ్యాలె అచ్చమైన దీపావళి
వెయ్యేళ్ళు నిత్యమైన దీపావళి

ఏనాడూ ఎళ్లిపోని దీపావళి
ఏరికోరి ఎంచుకొంది మా లోగిలి
ఏల ఏల చుక్కల్లో
యెలుగలన్ని ఎదజల్లి
మా ఇంట యెలిశాడు ఆ జాబిలి

ఏల ఏల చుక్కల్లో
యెలుగలన్ని ఎదజల్లి
మా ఇంట యెలిశాడు ఆ జాబిలి

ఇయ్యాలె అచ్చమైన దీపావళి
వెయ్యేళ్ళు నిత్యమైన దీపావళి
 

చరణం : 1

అలాంటిలాంటిటోడుగాదు
మా అల్లుడుగారు
కోటికొక్కడుంటాడా
ఇలాంటి మంచోడు

అలాంటిలాంటిటోడుగాదు
మా అల్లుడుగారు
కోటికొక్కడుంటాడా
ఇలాంటి మంచోడు

కొండంత పెద్దమనసు కలిగినోడు
గోరంత పేదగూటికొచ్చినాడు
కలిసొచ్చే కాలానికి నడిసొచ్చే కొడుకల్లే

కలిసొచ్చే కాలానికి నడిసొచ్చే కొడుకల్లే
ఇట్టాంటి అల్లుడొస్తే పెతీ అమాస
ఆ ఇంటి దీపాళి పండగంట

ఇట్టాంటి అల్లుడొస్తే పెతీ అమాస
ఆ ఇంటి దీపాళి పండగంట

చరణం : 2

మాయామర్మం లేనివాడు
మా మామగారు
మట్టిలోని మాణిక్యం మా ఆడవారు

గుండెల్లోన పెంచినాడు
నన్ను కన్నవాడు
గుండెను గుడి చేసాడు కట్టుకున్నవాడు

మమకారమన్నది ఇంటి పేరు

పెట్టిపుట్టనోళ్లు దీన్ని పొందలేరు

సిరులేవీ కొనలేనిది 

సరిలేని ఈ పెన్నిధీ

సిరులేవీ కొనలేనిది 

సరిలేని ఈ పెన్నిధీ

ఇట్టాంటి నవ్వులుంటె ప్రతి అమవాస
ఆ ఇంటి దీపావళి పండగంట

ఇట్టాంటి నవ్వులుంటె ప్రతి అమవాస
ఆ ఇంటి దీపావళి పండగంట