ఓ చెలియా

ఓ చెలియా

చిత్రం: ప్రేమికుడు (1994)

రచన: రాజశ్రీ

సంగీతం: రెహమాన్

గానం: ఉన్ని కృష్ణన్

పల్లవి : 

ఓ చెలియా ..

నా ప్రియసఖియా .. 

చెయ్ జారెను నా మనసే..

ఏ చోటా అది జారినదో 

ఆ జాడే మరిచితినే...

నీ అందెలలో చిక్కుకుంది అని 

నీ పదముల చేరితినే...

ప్రేమంటే ఎన్ని అగచాట్లో 

మన కలయిక తెలిపినదే..

నా గుండెలలో ప్రేమ పరవశమై.. 

ఇరు కన్నులు సోలెనులే..ఏ..

ఓ చెలియా 

నా ప్రియసఖియా 

చెయ్ జారెను నా మనసే...

చరణం 1:

ఈ పూటా చెలి నా మాట  

ఇక కరువై పోయెనులే

అధరము ఉదరము నడుమను 

ఏదో అలజడి రేగెనులే...

వీక్షణలో నిరీక్షణలో 

అరక్షణమొక యుగమేలే

చూపులన్ని వెంటాడినట్టు 

మది కలవరమాయెనులే

ఇది స్వర్గమా..నరకమా...

ఏమిటొ తెలియదులే

ఈ జీవికి జీవన మరణము  

నీ చేతిలొ ఉన్నదిలే..ఏ..ఏ...

ఓ చెలియా 

చరణం 2:

కోకిలమ్మా నువు సై అంటే 

నే పాడేను సరిగమలే

గోపురమా నిను చేరుకుని 

సవరించేను నీ కురులే..

వెన్నెలమ్మా నీకు జోలపాడి 

కాలి మెటికలు విరిచేనే..

వీచేటి చలిగాలులకు 

తెరచాపై నిలిచేనే...

నా ఆశలా ఊసులే 

చెవిలోన చెబుతానే

నీ అడుగులా చెరగని గురుతులే 

ప్రేమచరితలు అంటానే

ఓ చెలియా నా ప్రియసఖియా