గాలీ చిరుగాలీ

గాలీ చిరుగాలీ
చిత్రం: వసంతం (2003)
గాత్రం: చిత్ర

రచన: సిరివెన్నెల 
సంగీతం:ఎస్.ఏ.రాజ్ కుమార్

గాలీ చిరుగాలీ నిను చూసిందెవరమ్మా
వెళ్ళే నీ దారీ అది ఎవరికి తెలుసమ్మా
రూపమే వుండని ఊపిరే నువ్వనీ 
ఎన్నడూ ఆగని పయనమే నీదని
గాలీ చిరుగాలీ నిను చూసిందెవరమ్మా
వెళ్ళే నీ దారి అది ఎవరికి తెలుసమ్మా

చరణం1:

కనురెప్ప మూసివున్నా 

నిదరొప్పుకోను అన్నా
నిను నిలువరించిన ఓ స్వప్నమా
అమవాసలెన్నైనా 

గ్రహణాలు ఏవైనా
నీ కళను దోచిన ఓ చంద్రమా
తన ఒడిలో వున్నది రాయో రత్నమో పోల్చదు నేలమ్మా
ఉలి గాయం చేయకపోతే ఈ శిల శిల్పం కాదమ్మా
మేలుకో మిత్రమా 

గుండెలో జ్వాలలే జ్యోతిగా మారగా
చీకటే దారిగా వేకువే చేరగా

చరణం2:

చలికంచె కాపున్నా 

పొగమంచు పొమ్మన్నా
నీ రాక ఆపేనా వాసంతమా
ఏ కొండ రాళ్ళైనా 

ఏ కోన ముళ్ళైనా
బెదిరేన నీ వానా ఆషాడమా
మొలకెత్తే పచ్చని ఆశే నీలో ఉంటే చాలు సుమా
కలకాలం నిన్ను అణచదు మన్ను ఎదిగే విత్తనమా
సాగిపో నేస్తమా.... 

నిత్యమూ తోడుగా నమ్మకం ఉందిగా
ఓరిమే సాక్షిగా ఓటమే ఓడగా....