బండెనుక బండి గట్టి..

బండెనుక బండి గట్టి..
మాభూమి (1980)
సుద్దాల హనుమంతు
వింజమూరి సీత, గౌతమ్ ఘోష్
గద్దర్

బండెనుక బండి గట్టి..
పదహారు బండ్లు గట్టి..
ఏ బండ్లే బోతవ్ కొడుకో..
నైజాము సర్కరోడా..
బండెనుక బండి గట్టి పదహారు బండ్లు గట్టి
ఏ బండ్లే బోతవ్ కొడుకో నైజాము సర్కరోడా
నాజీల మించినవురో నైజాము సర్కరోడా

పోలీసు మిల్ట్రీ రెండూ బలవంతులానుకోని
నువ్వు పల్లెలు దోస్తివి కొడుకో
మా పల్లెలు దోస్తివి కొడుకో
నైజాము సర్కరోడా

జాగీరుదారులంతా జామీను దారులంతా
నీ అండా జేరిరి కొడుకో
నైజాము సర్కరోడా

స్త్రీ పురుషులంత గలిసి పిల్లాలమంత గలిసి
వడిసేల రాళ్లు నింపి వడి వడిగ గొట్టితేను
కారాపు నీళ్లు దెచ్చి కండ్లల్ల జల్లితేను
నీ మిల్ట్రీ బారిపోయెరో నైజాము సర్కరోడా

సుట్టు ముట్టూ సూర్యపేట
నట్టనడుమ నల్లగొండ
నువ్ ఉండేది హైద్రబాదు
దాని పక్కన గోలుకొండా
గోల్కొండ ఖిలా కింద గోల్కొండ ఖిలా కింద
నీ ఘోరీ కడ్తమ్ కొడుకో నైజాము సర్కరోడా