పాలగువ్వా ...

పాలగువ్వా 
కాళరాత్రి (1980)
రచన: జాలాది రాజారావు 
సంగీతం: ఇళయరాజా 
గానం: బాలు, ఎస్.పి. శైలజ

పల్లవి:

పాలగువ్వా... 
ఇయ్యాలా ఉయ్యాలా 
ఊగాలి రావమ్మా 
బంగారుబొమ్మా మందారకొమ్మా 
జాబిల్లిపువ్వా అందాలరవ్వా 
పాలగువ్వా... 
ఇయ్యాలా ఉయ్యాలా 
ఊగాలి రావమ్మా

చరణం 1:

అల సన్నజాజి పందిరికింద 
సందడి చేద్దామా... 
కేరింతలేద్దామా...
అల మల్లెపూల దొంతులమీద  
పానుపులేద్దామా...
వేడుకచేద్దామా...
ఎందెల్ల గారాలా 
కన్నెర్ర కావాలా 
గువ్వాగువ్వా నవ్వులు రువ్వి 
గూడెక్కి పోవాలా 
కొమ్మారెమ్మా అల్లికలాడి 
నిన్నూ నన్నూ ముద్దాడాలా 

చరణం 2:

నీ వయ్యారమ్మే ఉయ్యాలైతే 

నిద్దురపోవాలా 
ముద్దులు తీరాలా 
నీ కళ్ళూ ఒళ్ళూ 
ఇల్లైపోతే కాపురముండాలా 
కోరిక పండాలా 
ఏరై పొంగాలా 
ఏడెక్కి పోవాలా 
ఈడు జోడు కోడై కూస్తే 
తెల్లారిపోవాలా 
ఆ పొద్దూ ముద్దూ పంతాలాడే  
కాళ్ళకు పారాణి దిద్దాలా

 
చరణం 3:

అల ముద్దాబంతి బుగ్గలమీదా 
తుమ్మెదనవ్వాలా 
గుమ్మెత్తిపోవాలా 
గుండె గుండె రాపిడిలోనా 
గింజుకులాడాలా 
నిను నంజుకుపోవాలా 
కొండెక్కిపోవాలా 
స్వర్గాలు చూడాలా 
చుక్కలపల్లకి మబ్బుల్లోనే 
ఊరేగిపోవాలా 
మళ్ళీమళ్ళీ జన్మలొ కూడా 
నువ్వూ నేనే జోడవ్వాలా