ఏమిటౌతున్నది

​ఏమిటౌతున్నది
ఇదే నా మొదటి ప్రేమలేఖ (2001)
రచన: చంద్రబోస్  
సంగీతం: ఘంటాడి కృష్ణ
గానం: శ్రీనివాస్, స్వర్ణలత

పల్లవి:

ఏమిటౌతున్నది
కొత్తగా ఉన్నది
ఇంత లేనిపోని వింతగోల ఏమన్నది
ప్రేమ అంటారిది
దాని తీరే ఇది
ప్రేమ అంటారిది
దాని తీరే ఇది
నీకు కొత్తకొత్త ఊసులేవో చెబుతున్నది

కాలు సాగేదెలా...?
దారి తోచేదెలా...?

ఓ...చేయి అందించనా
తోవ చూపించనా

చరణం 1:

ఏ ప్రేమ ఏమోగాని
ఏంటి దీని సంగతీ
మనసేమో చేయిజారి
దాని వెంట పడ్డది

పైకేమి అన్నగాని
లోన ఇష్టమన్నదీ
ఆ మాట ఒప్పుకుంటే
ఏమి నష్టమన్నదీ

మదిలోని ఊసు
ఏం చెప్పనంటా

చెప్పేయవమ్మా
ఉంటా నీ చెంతా

గట్టుదాటు వెల్లువల్లె
తుళ్ళుతున్నది
రెక్కలున్న ఊహ వెంట
వెళ్ళమన్నది

చరణం 2:

ఇన్నాళ్ళు ఎక్కడుందో
జాడ కూడా లేనిదీ
కబురైన చెప్పకుండ
ఎప్పుడొచ్చినట్టిది

వలపన్న మాటలోనే
ఉందిగా వలన్నది
వలపన్ని పట్టుకుంది
అందుకే ఇలా ఇదీ

కనికట్టు చేసి కమ్ముకుంది

కనిపెట్టగానే నవ్వుతుంది

ఉండిఉండి కన్నె గుండె
గిల్లుతున్నది

నిన్ను నిద్ర లేపుతున్న
సందెపొద్దిది