ఇందుకేనా...

ఇందుకేనా 

చిత్రం : చిలిపి కృష్ణుడు (1978)

సంగీతం : కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం : బాలు 

పల్లవి:

ఇందుకేనా... 

ఇది ముందుగ నీకు తెలిసేనా 

ప్రేమించమన్నావూ 

ప్రేమను ప్రేమించమన్నావూ...

ఇందుకేనా... 

ఇది ముందుగ నీకు తెలిసేనా 

ప్రేమించమన్నావూ 

ప్రేమను ప్రేమించమన్నావూ...

ఇందుకేనా... 

చరణం 1:

ఓటమి ఓర్వని నిన్నీ 

కాటికి పంపుటకా 

ఒడిలో ఒదిగిన తలకీ 

కొరివిని పెట్టుటకా 

ఎదలో దాచిన నిన్నీ 

చితిలో చూచుటకా 

ఈ చితిమంటలు 

నా బ్రతుకంతా మోయుటకా...?

చరణం 2:

నిన్న మెరిసిన కన్నులేవీ 

నిగ్గులొలికిన బుగ్గలేవీ 

కౌగిలించిన కరములా ఇవి?

కదలి ఆడిన పదములా ఇవి?

పుత్తడిబొమ్మగ తలచిన నిన్ను 

బొమికల కుప్పగ చూస్తున్నాను 

చరణం 3:

నా గుడినే కూల్చావు 

నీ గురుతులు వదిలావు 

నీ బరువును నాపై మోపి 

నను బ్రతికుండమన్నావు 

ఈ మిగిలిన శిథిలాలు 

నా రగిలే కన్నీళ్ళు 

మోస్తుంటాను భువిలోనా 

చూస్తుంటావా దివిలోనా...