తెలిసిందా బాబూ

దొంగ రాముడు (1955)

రచన: సముద్రాల సీనియర్

సంగీతం: పెండ్యాల

గానం: సుశీల 

పల్లవి : 

తెలిసిందా బాబూ

ఇపుడు తెలిసిందా బాబూ

తెలిసిందా బాబూ

ఇపుడు తెలిసిందా బాబూ

అయ్యవారు తెలిపే నీతులా 

ఆలించకపోతే వాతలే 

తెలిసిందా బాబూ...

చరణం 1:

అల్లరిపిల్లల కూడవుగా 

గిల్లీకజ్జాలాడవుగా 

ఓ . ..

ఇక వేయవుగాదా ఈతలు 

తెగ కోయవుగాదా కోతలూ 

బాగేమిటో ఓగేమిటో నీకిపుడైనా 

తెలిసిందా బాబూ...

చరణం 2:

చదువుకు సున్నాచుట్టవుగా

గురువుకు నామంపెట్టవుగా 

ఓ . ..

పొరపాటు పనికి పోవుగా

మరియాదకు లోటూ తేవుగా 

బాగేమిటో ఓగేమిటో నీకిపుడైనా 

తెలిసిందా బాబూ...

చరణం 3:

వినయముమీరా తల్లిపదాలను 

దినమూ కొలవాలి 

ఆహా దినమూ కొలవాలి 

మనసున చెల్లెలి మాట మరువకా 

మన్నన చెయ్యాలి

ఆహా మన్నన చెయ్యాలి

ఓ . ..

ఇరుగూ పొరుగూ సెబాసన 

పరువెరిగీ నీవూ మెలగాలి 

మన వూరికీ, మనవారికీ పేరు తేవాలి 

తెలిసిందా బాబూ...