శివ గోవింద గోవింద

చిత్రం: వెలుగు నీడలు (1961)

సంగీతం: పెండ్యాల

గీతరచయిత: కొసరాజు

నేపథ్యగానం: మాధవపెద్ది సత్యం, ఉడుత సరోజినీ 

పల్లవి : 

శివ గోవింద గోవింద

హరి గోవింద గోవింద 

సంతానమే లేక స్వర్గమే లేదని

చిట్టి పాపను తెచ్చి పెంచుకుంటారు 

సంతానమే లేక స్వర్గమే లేదని

చిట్టిపాపను తెచ్చి పెంచుకుంటారు

సంతు కలిగిందంటే చిట్టిపాపాయి గతి

శ్రీమతే రామానుజాయన్నమా

||శివ గోవింద||

చరణం 1:

తమ బాగు కోసమై తంటాలు పడలేరు

ఎదుటి కొంపకు ఎసరు పెడతారయా

పొరుగు పచ్చకు ఓర్వలేని వారి గతి

శ్రీమతే రామానుజాయన్నమా

||శివ గోవింద||

చరణం 2:

పొరుల కోసం త్యాగమొనరించు వారొకరు

పరుల మోసం చేసి బ్రతుకు వారింకొకరు 

పొరుల కోసం త్యాగమొనరించు వారొకరు

పరుల మోసం చేసి బ్రతుకు వారింకొకరు

ఉపకారికే కీడు తలపెట్టు వారి గతి

శ్రీమద్రమారమణగోవిందో

||హరి గోవింద||

చరణం 3:

కలిమి లేనన్నాళ్ళు కలిసి మెలిసుంటారు

కలిమి చేరిన నాడు కాట్లాడుకుంటారు

కలిమి పెంచే కాయ కష్టజీవుల పని

శ్రీమతే రామానుజాయన్న మా

||శివ గోవింద||

చరణం 4:

ఆనాడు శ్రీ యోగివీరబ్రహ్మం గారు

కాలజ్ఞానము బోధ చేశారయా 

ఆనాడు శ్రీ యోగివీరబ్రహ్మం గారు

కాలజ్ఞానము బోధ చేశారయా 

ఈనాడు కొడసరి వెంగళప్ప మాట

అక్షరాలా జరిగి తీరేనయా

||శివ గోవింద||