స్వాతిచినుకా

అనగనగా ఓ అమ్మాయి (1999)

సంగీతం: మణిశర్మ

రచన: సామవేదం షణ్ముఖశర్మ 

గానం: ఉదిత్ నారాయణ్, సుజాత 

పల్లవి : 

స్వాతిచినుకా 

సందె తళుకా 

నచ్చే నాజూకా

సాహో చందమామ తునకా 

రావే కౌగిలింటి దాకా

చందమామ తునకా 

రావే కౌగిలింటి దాకా

ఇంత చురుకా 

వింత ఉరుకా 

ప్రేమే పుట్టాకా

అబ్బో ఆగడాల దుడుకా

అల్లే అల్లరింటి కొడుకా

ఆగడాల దుడుకా 

అల్లే అల్లరింటి కొడుకా

చేరుకో నన్నే తారకా....

కోరుకోలేవే కోరికా.....

నేరుగా వచ్చేసాక 

మోమాటమేముంది

ముద్దాడవే గోపిక

స్వాతిచినుకా 

చరణం 1:

చీకటే నచ్చేసాక 

తొందరే పుట్టేసాక

ఇష్టమైనదిస్తే యురేకా....ఓ 

నాదనేవేవీ లేక 

నీదనీ అందించాక

తట్టుకుంటనయ్యో తడాఖా..

కల్లోకొచ్చి కల్లోలంగా 

కమ్ముకుపోయాకా

ఒళ్ళోకొచ్చి అల్లుకుపోతే 

ఆపడమెల్లాగా 

మరేం మారుమాటలనకా 

నన్నే చేరుకోవె చిలకా

మారుమాటలనకా 

నిన్నే చేరుకుంది చిలకా...

స్వాతిచినుకా 

చరణం 2:

ముద్దుకే ఉన్నది బుగ్గా

తప్పుకో తప్పుడు సిగ్గా

ఒళ్ళు దాచుకుంటే యెట్టాగా...ఓ 

బుద్ధిగా ఉండదు పిట్ట

బొత్తిగా చూడదు లెక్క

మక్కువెక్కువైతే మజాకా....

ఆహా ఓహో అనిపించిందీ 

అందం చూసాకా

ఊహాలోకం కనిపించింది  

దగ్గరకొచ్చాక

ఇదే మంచివేళ కనక 

రావే మల్లెపూల కులుకా

మంచివేళ కనక 

రావే మల్లెపూల కులుకా

స్వాతిచినుకా