శ్రీరస్తు అబ్బాయి

శ్రీరస్తు అబ్బాయి 

చిత్రం : స్వప్న (1980)

సంగీతం : సత్యం

గీతరచయిత : రాజశ్రీ

నేపధ్య గానం : సుశీల, పి. బి. శ్రీనివాస్  

శ్లోకం|| 

సర్వ మంగళ మాంగల్యే - 

శివే సర్వార్థ సాధకే

శరణ్యే త్ర్యంబకే దేవి - 

నారాయణి నమోస్తుతే

పల్లవి: 

శ్రీరస్తు అబ్బాయి - 

శుభమస్తు అమ్మాయి

ఈ పచ్చని పందిరిలోనా కళ్యాణమస్తు

శ్లోకం: 

మాంగల్య తంతునా నేనా - 

మమ జీవన హేతునా

కంఠే బధ్నామి శుభగే - 

త్వంజీవన శరదాంశతం

చరణం: 1

మంత్రాలతో మీ జంట చేరాలి 

నూరేళ్ళకూ అది పంటకావాలి

మంత్రాలతో మీ జంట చేరాలి 

నూరేళ్ళకూ అది పంటకావాలి

మీ కలలన్నీ నేడే తీరాలి

వచనం: 

సర్వశుభ కారిణి ఆదిలక్ష్మి - 

కరుణా స్వరూపిణి గజలక్ష్మీ

సిరిసంపదలనిచ్చు ధనలక్ష్మీ - 

పాడిపంటలనిచ్చు ధాన్యలక్ష్మి

విజ్ఞాన మందించు విద్యాలక్ష్మి - 

విజయమును కలిగించు విజయలక్ష్మి

శక్తిని ప్రసాధించు ధైర్యలక్ష్మి

సౌభాగ్యమునుగూర్చు సంతానలక్ష్మి

ఈ అష్టలక్ష్ముల అంశలతోను వర్ధిల్లాలి గృహలక్ష్మి

చరణం 2:

చిగురాశలే సన్నాయి పాడాలి

తొలిబాసలే ఉయ్యాలలూగాలి

చిగురాశలే సన్నాయి పాడాలి

తొలిబాసలే ఉయ్యాలలూగాలి

నీ చిననాటి ప్రేమా పండాలి