హృదయాన్ని...
చిత్రం : మానస వీణ (1983)
సంగీతం : ఎం.ఎస్. విశ్వనాథన్
గీతరచయిత : ఆచార్య ఆత్రేయ
గానం: వాణీ జయరాం
హృదయాన్ని ఎవరు నిదుర లేపారు
హృదయాన్ని ఎవరు నిదుర లేపారు
అనురాగాన్ని దానికెవరు నేర్పారు...
అనురాగాన్ని దానికెవరు నేర్పారు...
వయసా...
వచ్చిన సొగసా ...!
సొగసే మెచ్చిన మనసా ...!
ఈ విరహం వాటికి తెలుసా
తెలుసా....
చరణం 1:
పువ్వై పుడితే పూయకపోదు
రంగూ, తేనే పొంగకపోవు
పువ్వై పుడితే పూయకపోదు
రంగూ, తేనే పొంగకపోవు
పొంగును చూసి పువ్వును దోచి
తుమ్మెద వెళితే దోషులు ఎవరు
రంగా...
మధువుల పొంగా
మధువే తాగిన దొంగా
ఈ విరహం వాటికి తెలుసా
తెలుసా....
చరణం 2:
గువ్వకు ఒకటే గూడుంటుంది
గుండెకు ఒకటే తోడుంటుంది
గువ్వకు ఒకటే గూడుంటుంది
గుండెకు ఒకటే తోడుంటుంది
రెక్కలు గువ్వనూ
కోర్కెలు గుండెనూ
ఎక్కడ ఉన్నా...
ఏకం చేయును
చేసి...
జంటను చూసి...
మురిసి...
దీవెన కురిసే
ఈ విరహం మధురిమ తెలుసా
తెలుసా....
హృదయాన్ని ఎవరు నిదుర లేపారు
అనురాగాన్ని దానికెవరు నేర్పారు...
వయసా...
వచ్చిన సొగసా ...!
సొగసే మెచ్చిన మనసా ...!
ఈ విరహం వాటికి తెలుసా....