అమ్మాయే సన్నగ

అమ్మాయే సన్నగ
ఖుషి (2001)
చంద్రబోస్
మణిశర్మ
కవితా కృష్ణమూర్తి, ఉదిత్ నారాయణ

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే
అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

అబ్బాయే సూటిగ కన్నెత్తి చూడగ
ఆ వాడి చూపులకు మంచైన మరిగేలే

ఆ నవ్వులు ఈ చూపులు
ఆ నవ్వులు ఈ చూపులు కలిపేస్తే ప్రేమేలే

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

ప్రేమలు పుట్టే వేళ పగలంతా రేయేలే
ప్రేమలు పండే వేళ జగమంత జాతరలే

ప్రేమే తోడుంటె పామైన తాడేలే
ప్రేమే వెంటుంటే రాయైన పరుపేలే

నీ ఒంట్లో ముచ్చెమటైన నా పాలిట పన్నీరే
నువ్విచ్చె పచ్చి మిరపైన నా నోటికి నారింజె

ఈ వయసులో ఈ వరసలో
ఈ వయసులో ఈ వరసలో నిప్పైనా నీరేలే

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే

నేనొక పుస్తకమైతే నీ రూపే ముఖ చిత్రం
నేనొక అక్షరమైతే నువ్వేలే దానర్ధం

ఎగిరే నీ పైటే కలిగించె సంచలనం
ఒలికే నీ వలపే చెయ్యించే తలస్నానం

యెండల్లొ నీరెండల్లో నీ చెలిమె చలివేంద్రం
మంచుల్లో పొగ మంచుల్లో నీ తలపే రవి కిరణం

పులకింతలె మొలకెత్తగ
పులకింతలే మొలకెత్తగ ఇది వలపుల వ్యవసాయం

అమ్మాయే సన్నగ అరనవ్వే నవ్వగ
మతి తప్పి కుర్రాళ్లే మంచాన పడ్డారే
అబ్బాయే సూటిగ కన్నెత్తి చూడగ
ఆ వాడి చూపులకు మంచైన మరిగేలే
ఆ నవ్వులు ఈ చూపులు
ఆ నవ్వులు ఈ చూపులు కలిపేస్తే ప్రేమేలే

ఆడువారి మాటలకు

ఆడువారి మాటలకు
ఖుషి (2001)
పింగళి
మణిశర్మ
ఖుషి మురళి

ఆడువారి మాటలకు అర్ధాలే వేరులే
ఆడువారి మాటలకు అర్ధాలే వేరులే
అర్ధాలే వేరులే అర్ధాలే వేరులే

అర్ధాలే వేరులే అర్ధాలే వేరులే
ఆడువారి మాటలకు అర్ధాలే వేరులే
ఆడువారి మాటలకు అర్ధాలే వేరులే

అలిగి తొలగి నిలిచినచో చెలిమిజేయ రమ్మనిలే
అలిగి తొలగి నిలిచినచో చెలిమిజేయ రమ్మనిలే
చొరవ చేసి రమ్మనుచో మర్యాదగ పొమ్మనిలే
చొరవ చేసి రమ్మనుచో మర్యాదగ పొమ్మనిలే
ఆడువారి మాటలకు అర్ధాలే వేరులే
ఆడువారి మాటలకు అర్ధాలే వేరులే

విసిగి నసిగి కసిరినచో విషయమసలు ఇష్టమెలే
విసిగి నసిగి కసిరినచో విషయమసలు ఇష్టమెలే
తరచి తరచి ఊసడిగిన సరసమింక చాలనిలే
తరచి తరచి ఊసడిగిన సరసమింక చాలనిలే
ఆడువారి మాటలకు అర్ధాలే వేరులే
ఆడువారి మాటలకు అర్ధాలే వేరులే

హోలి హోలి

హోలి హోలి
చిత్రం : ఖుషి (2001)
సంగీతం : మణిశర్మ
గీతరచయిత : సుద్దాల అశోక్ తేజ
నేపధ్య గానం : మనో, స్వర్ణలత

పల్లవి :

హోలి హోలి ల రంగ హోలి చమ్మకేళిల హోలి హోలి హోలి హోలి
హోలి హోలి ల రంగ హోలి చమ్మకేళిల హోలి హోలి హోలి హోలి

గజ్జె ఘల్లుమన్నాదిరో గుండె ఝల్లుమన్నాదిరో
వాన ఝల్లుమన్నాదిరో ఊరు ఘొల్లుమన్నాదిరో

హోలి హోలి ల రంగ హోలి హోలీల రంగ హోలీ హోలీల రంగ హోలీ
రామ చక్కాని చిలక మీద గుప్పారు ఎవరు ఆకు పచ్చాని పచ్చ రంగు
చూడ చక్కాని నెమలికెవరు నేర్పారు చెప్పు ఎగిరి దూకేటి చెంగు చెంగు

గజ్జె ఘల్లుమన్నాదిరో గుండె ఝల్లుమన్నాదిరో
వాన ఝల్లుమన్నాదిరో ఊరు ఘొల్లుమన్నాదిరో

చరణం 1 :

ఓ పాలపిట్ట శకునం నీదెనంట
ఓ మల్లెమొగ్గా మనసే కోరెనంట

చిలిపి వలపు వగరు పొగరు కోకిలలు
కలలు కన్న కన్నె వన్నె కోరికలు

చెరువులోన తామరాకుపై ఊగే మంచు ముత్యమేమన్నది
చిన్నదాని సొంతమైన సంపంగి ముక్కుపుల్లనౌతనన్నది
హొహొ హొహొ
అందమైన చెంప మీద
హొహొ హొహొ
కెంపువోలె సిగ్గులొలికె
హొహొ హొహొ
కెంపులన్ని ఏరుకొచ్చి పట్టు గొలుసు కట్టుకుంటరో

గజ్జె ఘల్లుమన్నాదిరో గుండె ఝల్లుమన్నాదిరో
వాన ఝల్లుమన్నాదిరో ఊరు ఘొల్లుమన్నాదిరో

హోలి హోలి ల రంగ హోలి చమ్మకేళిల హోలి హోలి హోలి హోలి
హోలి హోలి ల రంగ హోలి చమ్మకేళిల హోలి హోలి హోలి హోలి

చరణం 2 :

ఓ ఏకవీర తిరుగే లేదు లేర
ఓ పూలతార వగచే రోషనార

అడుగు పడితె చాలు నేల అదురునులే
పడుచు వాలు చూపు పడిన చెదరనులే

పల్లె కూనలెదురు వచ్చి యేలేలో యెంకి పాట పాడుతారులె
అచ్చమైన పల్లె సీమ పాటంటే గుండెతోనె ఆలకిస్తలె
హొహొ హొహొ
పొన్న చెట్టు నీడలోన
హొహొ హొహొ
పుట్ట తేనె జొన్న రొట్టె
హొహొ హొహొ
జంటగూడి ఒక్కసారి నంజుకుంటె ఎంత మేలురో

గజ్జె ఘల్లుమన్నాదిరో గుండె ఝల్లుమన్నాదిరో
వాన ఝల్లుమన్నాదిరో ఊరు ఘొల్లుమన్నాదిరో

తననన్నాననా.. తననన్నాననా..
తననన్నాననా..తననన్నాననా..