జీవించు నీ జీవితం

చిత్రం: రేచుక్క (1985)

సాహిత్యం: ఆచార్య ఆత్రేయ

గాయకులు: సుశీల, బాలు 

సంగీతం: జె.వి.రాఘవులు

పల్లవి :  

జీవించు నీ జీవితం

సాధించు నీ ఆశయం 

జీవించు నీ జీవితం

సాధించు నీ ఆశయం

తలవంచావా అపజయమే 

ఎదిరించావా విజయం నీదే

భయము జయము చుక్కెదురేరా 

జీవించు నీ జీవితం

సాధించు నీ ఆశయం

దీంతనకదిన... 

చరణం 1:

అందరూ కారురా నీవారు 

నీవారెక్కడో ఉంటారు 

అందరు వెళ్ళిన సమయంలో 

ఆదుకునాలనే హృదయంతో 

వచ్చేవారే మనసిచ్చేవారే

నేడూ రేపూ 

అయినవారు....

జీవించు నీ జీవితం

సాధించు నీ ఆశయం

దీంతనకదిన... 

చరణం 2:

ధనముండాలి బ్రతికేటందుకు 

మనసుండాలి మనిషయ్యేందుకు 

మనిషుండాలి ప్రేమించేందుకు 

ప్రేమించాలి ఒక్కటయ్యేందుకు 

అనుకోవాలి ఒకరికిఒకరని 

నాడే ధన్యం అందరి బ్రతుకు 

జీవించు నీ జీవితం

సాధించు నీ ఆశయం