ఓ ప్రియా వసుంధర

ఓ ప్రియా వసుంధర
సుప్రభాతం (1998)
సామవేదం షణ్ముఖశర్మ
వందేమాతరం శ్రీనివాస్
బాలు, చిత్ర


ఓ ప్రియా... వసుంధర
ప్రేమనే వరించిరా

ఓ ప్రియా మనోహరా 
స్వాగతం స్వయంవరా

మనిషికన్న ముందర
మనసు చేసె తొందర
కనుల గడప దాటుతూ
స్వప్నమెదుట పడెనురా 
కలలలోని కలికితార
చిలుకుతోంది కాంతిధార

ఓ ప్రియా వసుంధర
ఓ ప్రియా మనోహరా

అరవిరిసిన కన్నులే మీటుతున్నవి
అరమరికలు వద్దనీ చాటుతున్నవి
తెరమరుగులు ఇప్పుడే తొలగుతున్నవి
మన మనసుకి రెక్కలే తొడుగుతున్నవి
నా మిణుకు మిణుకు ఆశలే నిజం అయ్యేలా
నీ వెలుగు తగిలి లోకమే మారెనీవేళా
నీ చిలిపి కనుల గూటిలో నేనే వుండేలా
నా బ్రతుకు జతగ చేయగా
వచ్చా గోపాల
కౌగిళ్ళ సంకెళ్ళు వేయనా
నిన్ను శృంగార ఖైదీ గ చేయనా     
ఈ శిక్ష చాలంటు చాటనా
ఒప్పుకుంటాను ఈ తీపి దండనా
అలకతీరి అసలు దారి
తెలిసి నడిచె రాకుమారి

రెపరెపమని రెప్పలే విప్పుకున్నవి
తపనల ఎద తాళమే తప్పుతున్నది
ఎపుడెపుడని ఆత్రమే అడుగుతున్నది
అపుడిపుడని వాయిదా వేయనన్నది
నా దొరకు దొరుతున్నది నాలో సింగారం
ఇక తరిగి కరుగుతున్నది ఇన్నాళ్ళ దూరం
ఈ కలికి కులుకు కదలికే కన్యాకుమారం
నా ఉడుకు దుడుకు గుండెలో మోగే అలారం
కృష్ణయ్య తీరున్న రాముడే
సిగ్గు విల్లెక్కు పెట్టాడు వీరుడు
కాలాలు కనిపెట్టి కాముడే
తన కనికట్టు చూపాడె ధీరుడే
ముంచుతున్న మంచు కరిగి
పొద్దుపొడుపు వెలుగు కాంతి

ఓ ప్రియా... వసుంధర
ప్రేమనే వరించిరా
ఓ ప్రియా మనోహరా 
స్వాగతం స్వయంవరా
మనిషికన్న ముందర
మనసు చేసె తొందర
కనుల గడప దాటుతూ
స్వప్నమెదుట పడెనురా 
కలలలోని కలికితార
చిలుకుతోంది కాంతిధార

సింగరాయకొండ

సింగరాయకొండ
చిత్రం: సుప్రభాతం (1998)
సంగీతం: వందేమాతరం శ్రీనివాస్
సాహిత్యం: చంద్రబోస్
గానం: బాలు, స్వర్ణలత

సింగరాయకొండ ఈ చిన్నోడిది
ఆకుపచ్చ జండా ఈ అందానిది
నీ చూపులోనే చిత్తూరు ఉంది
నీ కొంగు లోనే ఒంగోలు ఉంది
ప్యాకేజిలోన ఉన్న మనసు నీకయ్యింది
మ్యారేజి దాక ఆగనంటు దూకేస్తుంది

సింగరాయకొండ ఈ చిన్నోడిది
ఆకుపచ్చ జండా ఈ అందానిది

బందరు నుంచి బాజాలొచ్చి
మోగించాలి పెళ్లిపాటలు
అత్తిలి నుంచి అతిధులు వచ్చి
అందించాలి శుభాకాంక్షలు
గుంతకల్లు పొలిమేర దాకా బంతిపూలు చల్లాలంటా
తాడేపల్లి నడిబొడ్డుదాకా తోరణాలు కట్టాలంటా
అహ లక్షల కొద్ది అక్షింతలు పడగా
ఒహొ లెక్కకు మించి కానుకలేరాగ
ఎంతో ఇదిగా పెళ్లి జరగాలి
ఏమి ముహూర్తం తెల్లబోవాలి

సింగరాయకొండ ఈ చిన్నోడిది
ఆకుపచ్చ జండా ఈ అందానిది

అరకువేలిలో చెరకుపొదల్లో పరిచెయ్యాలి పట్టెమంచము
పాపి కొండల్లో పండు వెన్నెల్లో జరిపించాలి జంట యుద్ధము
జన్మభూమి శ్రమదానమల్లే శోభనాలు సాగాలంట
కొరకురాయి కంప్యూటరల్లే కాపురాలే చెయ్యాలంటా
అహ వారంలోగ వేసెయ్యి పాగా
ఒహో సూపర్ ఫాస్ట్ సీమంతం కాగా
రెండను మాటే మూడు కావాలి
మళ్ళి మళ్ళి మూడు రావాలి

సింగరాయకొండ ఈ చిన్నోడిది
ఆకుపచ్చ జండా ఈ అందానిది
నీ చూపులోనే చిత్తూరు ఉంది
నీ కొంగు లోనే ఒంగోలు ఉంది
ప్యాకేజిలోన ఉన్న మనసు నీకయ్యింది
మ్యారేజి దాక ఆగనంటు దూకేస్తుంది

సింగరాయకొండ ఈ చిన్నోడిది
ఆకుపచ్చ జండా ఈ అందానిది