కళ్ళల్లోకి కళ్ళు పెట్టి

కళ్ళల్లోకి కళ్ళు పెట్టి
నువ్వే కావాలి (2000)
సిరివెన్నెల
కోటి
చిత్ర

కళ్ళల్లోకి కళ్ళు పెట్టి చూడవెందుకు
చెప్పలేని గుండెకోత పోల్చుకుందుకు

కళ్ళల్లోకి కళ్ళు పెట్టి చూడవెందుకు
చెప్పలేని గుండెకోత పోల్చుకుందుకు

మనం అన్నది ఒకే మాటని 

నాకిన్నాళ్ళు తెలుసు
నువ్వు నేను ఇద్దరున్నామంటే 

నమ్మనంటూ ఉంది మనసు

చరణం 1:

ఈనాడే సరికొత్తగా 

మొదలైందా మన జీవితం
గతమంటూ ఏం లేదనీ 

చెరిగిందా ప్రతి ఙ్ఞాపకం
కనులు మూసుకుని ఏం లాభం
కలైపోదుగా ఏ సత్యం
ఎటూ తేల్చనీ నీ మౌనం
ఎటో తెలియని ప్రయాణం
ప్రతి క్షణం ఎదురయే 

నన్నే దాటగలదా

చరణం 2:

గాలిపటం గగనానిదా 

ఎగరేసే ఈ నేలదా
నా హృదయం నీ చెలిమిదా 

ముడివేసే ఇంకొకరిదా
నిన్నామొన్నలని నిలువెల్లా
నిత్యం నిన్ను తడిమే వేళ
తడే దాచుకున్న మేఘంలా
ఆకాశాన నువ్వు ఎటువున్నా
చినుకులా కరగక 

శిలై ఉండగలవా

ఎక్కడ ఉన్నా పక్కన

ఎక్కడ ఉన్నా పక్కన
నువ్వే కావాలి (2000)
సిరివెన్నెల
కోటి
గోపికా పూర్ణిమ, శ్రీరామ్

ఎక్కడ ఉన్నా పక్కన నువ్వే 

ఉన్నట్టుంటుంది
చెలీ.. ఇదేం అల్లరీ....
నా నీడైనా అచ్చం నీలా కనిపిస్తూ ఉంది
అరే.. ఇదేం గారడీ....
నేను కూడా నువ్వయ్యానా..
పేరు కైనా నేను లేనా..
దీని పేరేనా.. 

ప్రేమ అనే ప్రియభావనా..
ఓ దీని పేరేనా ప్రేమ అనే ప్రియభావనా..
ఎక్కడ ఉన్నా పక్కన నువ్వే 

ఉన్నట్టుంటుంది
చెలీ.. ఇదేం అల్లరీ

చరణం 1:

నిద్దుర తుంచే మల్లెల గాలి

వద్దకు వచ్చి తానెవరంది
నువ్వే.. కాదా.. చెప్పు ఆ పరిమళం

వెన్నెల కన్నా చల్లగ ఉన్న 

చిరునవ్వేదో తాకుతు ఉంది
నీదే.. కాదా.. చెప్పు ఆ సంబరం

కనుల ఎదుట నువు లేకున్నా
మనసు నమ్మదే చెబుతున్నా
ఎవరు ఎవరితో ఏమన్నా
నువ్వు పిలిచినట్టనుకున్నా
ఇది హాయో ఇది మాయో 

నీకైనా తెలుసునా
ఏమిటవుతుందో ఇలా 

నా ఎద మాటునా...
ఓ... దీని పేరేనా ప్రేమ అనే ప్రియభావనా..

చరణం 2:

కొండల నుంచి కిందికి దూకే 

తుంటరి వాగు నాతో అంది
నువ్వూ.. అలా.. వస్తూ ఉంటావనీ

గుండెల నుంచి గుప్పున ఎగసే 

ఊపిరి నీకో కబురంపింది
చెలీ.. నీకై.. చూస్తూ ఉంటాననీ

మనసు మునుపు ఎపుడూ ఇంత
ఉలికి ఉలికి పడలేదు కదా
మనకు తెలియనిది ఈ వింతా
ఎవరి చలవ ఈ గిలిగింత
నాలాగే నీక్కూడా అనిపిస్తూ ఉన్నదా
ఏమి చేస్తున్నా పరాకే అడుగడుగునా...
ఓ... దీని పేరేనా ప్రేమ అనే ప్రియభావనా..

అనగనగా ఆకాశం ఉంది -

అనగనగా ఆకాశం ఉంది -
నువ్వే కావాలి (2000)
సిరివెన్నెల
కోటి
చిత్ర, జయచంద్రన్

అనగనగా ఆకాశం ఉంది - 

ఆకాశంలో మేఘం ఉంది
మేఘం వెనుక రాగం ఉంది - 

రాగం నింగిని కరిగించింది
కరిగే నింగి చినుకయ్యింది - 

చినుకే చిటపట పాటయ్యింది
చిటపట పాటే తాకిన నేల - 

చిలకలు వాలే చెట్టయ్యింది
నా చిలక నువ్వే కావాలి - 

నా రాచిలక నవ్వే కావాలీ 
రాగాల గువ్వై రావాలి - 

అనురాగాల మువ్వై మోగాలీ

చరణం 1:

ఊగే కొమ్మల్లోనా 

చిరుగాలి కవ్వాలి
పాడి కచ్చేరి చేసే వేళల్లో
గుండెల గుమ్మంలోన 

సరదాలే సయ్యాటలు
ఆడి తాళాలే వేసే వేళల్లో
కేరింతలే ఏ దిక్కున చూస్తున్నా 

కవ్వించగా
ఆఆఆఆఆఅ....

ఆఆఆఆఆఆఆఅ....

ఆ నీ చెలిమే చిటికేసి 

నను పిలిచే నీకేసి
నీ చెలిమే చిటికేసి 

నను పిలిచే నీకేసి
నువ్ చెవిలో చెప్పే ఊసుల కోసం 

నేనొచ్చేసా పరుగులు తీసి
నా చిలక నువ్వే కావాలి 

నా రాచిలక నవ్వే కావాలి

చరణం 2:

చుక్కల్లోకం చుట్టు 

తిరగాలి అనుకుంటూ
ఊహ ఊరేగే వెన్నెల దారుల్లో
నేనున్నా రమ్మంటూ 

ఓ తార నా కోసం
వేచి సావాసం పంచే సమయంలో
నూరేళ్ళకి సరిపోయే ఆశల్నీ 

పండించగా
ఆ స్నేహం చిగురించి 

ఏకాంతం పులకించి
అనుబంధాలే సుమగంధాలై 

ఆనందాలే విరబూస్తు ఉంటే
నా చిలక నువ్వే కావాలి - 

నా రాచిలక నవ్వే కావాలి