ఒళ్ళే పూతరేకు
నక్షత్ర పోరాటం (1993)
సంగీతం: రాజ్-కోటి
రచన: వేటూరి
గానం: చిత్ర, బాలు
పల్లవి:
ఒళ్ళే పూతరేకు
వాటేసుకుంటే సోకు
ఆమ్మో అంటుకోకు
అబ్బ రాలుతుంది రేకు
విచ్చే వేళలో
ఇచ్చే ఠీవిలో
మొగలిపూల మగ యవ్వనం
పగలే కోరే సొగసే దినం
తనువందించే తాంబూలంలో
ఒళ్ళే పూతరేకు
వాటేసుకుంటే సోకు
ఆమ్మో అంటుకోకూ
చరణం 1:
కోకిలమ్మ మావూరొచ్చి
కొత్తపాట పాడేస్తుంటే
కోకలమ్మ మాగాణుల్లో
కొత్తనారు పోసేస్తుంటే
కోకపాడు దాటంగానే
పిక్కలూరు పేటేనమ్మో
సక్కనమ్మ చిక్కంగానే
తిక్కలోడి పాటేనమ్మో
పుచ్చుకున్న కౌగిళ్ళలో
గుజ్జు తీయనా
హత్తుకున్న ఒత్తిళ్ళల్లో
సొత్తుదాగునా
పెదవందించే పేరంటంలో
చరణం 2:
గాలిముద్దైనా లేక
వేణువెట్ట పాడేనమ్మా
వేలి మీటుడైనా లేక
వీణ ఎట్ట మోగేనమ్మా
పాలకంకి అందాలన్నీ
పిట్టలెత్తుకెళ్ళాలమ్మో
కన్నె సిగ్గు పడ్డాదంటే
కందిచేను పండాలమ్మో
చేయి పడ్డ చెక్కిళ్ళలో
చెమ్మలాగునా
కన్నుపడ్డ కుచ్చిళ్ళలో
కట్టు ఆగునా
ఎదలే పండే ఏకాంతంలో