ప్రేమా ప్రేమా చెప్పమ్మా

ప్రేమా ప్రేమా చెప్పమ్మా 

రుక్మిణి (1997)

సంగీతం: విద్యాసాగర్

రచన: సిరివెన్నెల

గానం: విద్యాసాగర్, చిత్ర, బాలు 

పల్లవి:

ప్రేమా ప్రేమా చెప్పమ్మా 

చితిమంటేనా నీ చిరునామా 

పసి హృదయాలను పావులు చేసే 

మాయాజూదం చాలమ్మా 

జతకలుపుట పాపమా 

చరితలకిది లోపమా 

మమతకు ఈ గాయమే న్యాయమా...?

ప్రేమా ప్రేమా చెప్పమ్మా 

చితిమంటేనా నీ చిరునామా 

పసి హృదయాలను పావులు చేసే 

మాయాజూదం చాలమ్మా 

చరణం 1:

రావమ్మా ప్రణయమా 

అని నిను అడిగామా చెప్పుమా  

జాడైనా తెలియకా 

మనసును శాసించే మోసమా 

నీ రాకే వెలుగని

నమ్మడమే దోషమా 

నీ వెనకే పొరబడి 

నడవడమే శాపమా 

ఈ ఎడబాటు సుడిలోన 

పడదోసావా ప్రేమా  

చరణం 2:

ప్రేమంటే తెలియని 

బతుకులే మేలంటూ చాటమా 

ప్రేమిస్తే వరముగా 

చివరికి దొరికేది ద్వేషమా 

మనసుంటే నేరమా 

చెలిమంటే ఘోరమా 

మా గాథే సాక్ష్యమా 

ఈ బాధే సత్యమా 

ఈ విరహాల విలయాన 

బలిచేస్తావా ప్రేమా