నడక సాగితే రాదారీ

నడక సాగితే రాదారీ

ఇంటింటి భాగవతం (1988)

రచన: జాలాది రాజారావు 

సంగీతం: వాసూరావు 

గానం: బాలు 

పల్లవి:

నడక సాగితే రాదారీ

పడవ లాగితే గోదారి

నడక సాగితే రాదారీ

పడవ లాగితే గోదారి 

రాదారి వరదొచ్చి మునిగితే 

అది గోదారౌతాది 

గోదారి ఎండేసి ఎండితే 

మళ్ళీ రాదారే ఔతాది 

నడక సాగితే రాదారీ

పడవ లాగితే గోదారి

చరణం 1:

మైలు మైలుకీ రాళ్ళుంటాయి రాదారిలో

నడక పొడుగునా సుడులుంటాయి గోదారిలో

ఆ రాయిని చెక్కి రంగులు వేస్తే 

దేవుడె ఔతాడు 

కాలుజారి సుడిలో పడినోడు 

దేవుడ్నే చూస్తాడు 

గుడికెక్కినా...కొండెక్కినా 

గుణమొక్కటే మూగజీవాలకు 

ఇదేరా జీవితం 

ఇదేరా జీవితం 

చరణం 2:

తల్లిపేగునే తెంచుకుపోయే 

ఋణబంధమా 

తండ్రి కొడుకులకు తలకొరివొకటే 

అనుబంధమా 

సావక ముందే తలకొరివెట్టే 

తనయులు ఉంటారా...?

ఆ తాగిన పాలకు న్యాయం చేయని 

కొడుకులు పుడతారా...?

ఓ కాలమా...!

ఇది న్యాయమా...?

ఏడేడు జన్మాల బలిదానమా...?

ఇదేనా జీవితం..? 

ఇదేనా జీవితం..?