చెలివో నా చిలిపి కలవో

చెలివో
పెళ్ళైన కొత్తలో (2006)
గానం: కార్తీక్, రీటా
సంగీతం: అగస్త్య
రచన:చైతన్య ప్రసాద్

చెలివో నా చిలిపి కలవో
శిలవో సంకెలవో చిరుతపులివో
నిను చేరాలనే చిరు ఆశా.. మదిని అణిచేసా
తెలుసుకోవా నీవాడినని
తెలుపరావా నా దానివని.. కలకాలం

పతివో నా హృదయ జతివో
యతివో నా గతివో మందమతివో
నాలో రేగే ఈ తపనా ఒకసారి వినవా
మదనపడి మనసు చెడి
మిగిలాను నీ కోసం ఇలా శిలలా

వయసిది వెళ్ళమన్నది మనసిది ఆపుతున్నది
ఎవరికి చెప్పలేనిది ఎట్టా బతికేదీ
ఎదలకు గదులు ఉన్నవి తలుపులు తెరుచుకున్నవి
కలలకు స్వాగతం అని ఎలా తెలిపేది

ఒకరికి ఒకరు ఎవరిమో తపనలు ఎందుకోసమో
తెలియని జంట జీవులం భలే సంసారం
మనసుకు మమత దూరమా పెదవికి పలుకు దూరమా
వదలని హృదయభారమా ఒసేయ్ వెళ్ళిపోవే

చెలివో నా చిలిపి కలవో
యతివో నా గతివో మందమతివో
నిను చేరాలనే చిరు ఆశా మదిని అణిచేసా
మదనపడి మనసు చెడి
మిగిలాను నీ కోసం ఇలా శిలలా