గువ్వా గువ్వా ఎక్కడికే
చిత్రం: సింహం నవ్వింది (1983)
సంగీతం: కె.చక్రవర్తి
సాహిత్యం: సి. నారాయణరెడ్డి
గానం: నందమూరి రాజా, యస్. జానకి
పల్లవి:
గువ్వా గువ్వా ఎక్కడికే
గూటిలోకా..?
తోటలోకా ....?
గారంగా వయ్యారంగా
సింగారంగా బంగారంగా
చరణం 1:
ఉరికితె ఆగని పరుగు
ఎగిరితె దాగని పొంగు
వీచే గాలి పూచే పూలు
వేచేదెందుకో రెమ్మల నడుగు
రివరివలు ఆ రెపరెపలు
హుషారుగ ఊయల ఊగడానికా?
చరణం 2:
నీటికి పల్లం తెలుసు
వయసుకు అల్లరి తెలుసు
కదిలే మబ్బు
కదిలే పొద్దు
పదపదమన్నవి ఎందుకో తెలుసు
చకచకలు నీ పకపకలు
సరాసరి పానుపు చేరడానికా