కలువనే కోరి వలచె

కలువనే కోరి వలచె

ఇదా ప్రపంచం (1987)

వెన్నెలకంటి

చక్రవర్తి

బాలు, సుశీల

పల్లవి: 

కలువనే కోరి వలచె నెలవంక..

చిలుకనే చేరుకుంది గోరింక

ఆ బంధమే.... 

మధురానందమై 

మనసున విరిసెను మమతలు మల్లెలుగా 

విరిసెలే మదిని మరుల మధుమాసం 

కురిసెలే వలపు విరులు మనకోసం 

నీ పాటలే... 

సిరులా తోటలై 

పులకలు పూలై పూచిన పున్నమిలా  

చరణం 1: 

సాగే పరవశాన మౌనవీణ 

మధుర రాగాలాపన..ఆ 

మ్రోగే వెదురు నేడు వేణువైన 

మదిని ప్రేమారాధనా... 

జతులే సరసతలై 

జతలో సంగతులై 

శృంగారమే సంగీతమై 

శృతులై లయలై పలికిన గమకంలో 

చరణం 2:

వయసే రెక్కవిసిరి నింగిలోన 

రివ్వుమంది గువ్వలా....

మనసే రేకువిరిసి రేపు నాదని 

నవ్వుకుంది పువ్వులా....

వేచిన ఆమనిలో 

పూచిన పున్నమిలో 

ఈ రేయిలో ఏ కోయిలో 

పలికే ఎదలో చిగురుల ఊయలలో