దిం దింతార

చిత్రం : ఓ చినదానా (2002)

రచన : సిరివెన్నెల

సంగీతం : విద్యాసాగర్

గానం: బాలు, ఉమా రమణన్

పల్లవి:

చెయ్యి గిల్లి చేసుకున్న  

చిననాటి బాసలు

మరిచిపోతనా మరిచిపోతనా

దండలల్లి దాచుకున్న 

ఆ చిన్ని ఊసులు

మరిచిపోతనా మరిచిపోతనా

తాయిలాలు పంచుకున్న 

ఆ తీపి రోజులు

మరిచిపోతనా మరిచిపోతనా 

గండుపిల్లి  గిచ్చినట్టు 

నీ గోటి గుర్తులు

మరిచిపోతనా మరిచిపోతనా  

          

చరణం 1:

నాతో కలవాలని నువ్వు 

కావాలని ఫెయిలయ్యావు

మరిచిపోతనా మరిచిపోతనా.....

ఊ...

ఆ సంగతి తెలిసిన నువ్వు 

పాపం తెగ ఫీలయ్యావు

మరిచిపోతనా మరిచిపోతనా...

ఊ...

ఊరించి నను  కాసేపు 

ఊరే వదిలిపోయావు

ఆనాటి నీ తడిచూపు 

నను లాగిందిలే నీవైపు

ఆ చెమ్మ చెలిమి ఏజన్మకైనా 

మరిచిపోతనా మరిచిపోతనా             

చరణం 2:

నీకో బొమ్మని కొన్నాను 

ఇంట్లో తన్నులు తిన్నాను

మరిచిపోతనా మరిచిపోతనా

అంతా దొంగాడని నిన్ను 

తిడుతూంటే నేవిన్నాను

మరిచిపోతనా  మరిచిపోతనా 

నీకుండేది పువ్వుల గౌను 

అది చూపించవా చూస్తాను

నీ కోసమిప్పుడు నేను 

ఆ గౌనేసుకుని రాలేను

ఆనాటి చెలిమి 

ఏనాటికైనా

మరిచిపోతనా మరిచిపోతనా....