చిత్రం: పెద్దరికం (1992)
సంగీతం: రాజ్-కోటి
గీతరచయిత: భువనచంద్ర
నేపథ్యగానం: ఏసుదాస్
పల్లవి :
ఇదేలే తరతరాల చరితం...
జ్వలించే జీవితాల కథనం
ఇదేలే తరతరాల చరితం...
జ్వలించే జీవితాల కథనం
పగేమో ప్రాణమయ్యేనా...
ప్రేమలే దూరమయ్యేనా
నిరాశే నింగికెగసేనా...
ఆశలే రాలిపోయేనా
ఇదేలే తరతరాల చరితం...
జ్వలించే జీవితాల కథనం
చరణం 1 :
ఒడిలో పెరిగిన చిన్నారినే
ఎరగా చేసినదా ద్వేషము
కథ మారదా...
ఈ బలి ఆగదా
మనిషే పశువుగా మారితే
కసిగా శిశువుని కుమ్మితే
మనిషే పశువుగా మారితే
కసిగా శిశువుని కుమ్మితే
అభమూ శుభమూ ఎరుగని
వలపులు ఓడిపోయేనా
ఇదేలే తరతరాల చరితం...
చరణం 2 :
విరిసీవిరియని పూదోటలో
రగిలే మంటలు చల్లారవా
అర్పేదెలా...
ఓదార్చేదెలా
నీరే నిప్పుగ మారితే
వెలుగే చీకటి రువ్వితే
నీరే నిప్పుగ మారితే
వెలుగే చీకటి రువ్వితే
పొగలో సెగలో మమతల
పూవులు కాలిపోయేనా
ఇదేలే తరతరాల చరితం...
No comments:
Post a Comment
Leave your comments