ఆకాశవీధిలో

ఆకాశవీధిలో 

కంచుకవచం (1985)

కృష్ణ-చక్ర

వేటూరి

బాలు, వాణీజయరాం 

పల్లవి:

ఆకాశవీధిలో

తళుకుబెళుకు 

కులుకులొలుకు తార 

ఈ సందె చీకటి 

చీరందుకోవే 

ఈ జాజివెన్నెల 

పూలందుకోవే 

మనసు తెలుసుకోవే 

ఆ...ఆ...ఆ...

వయసు బతకనీవే 

ఓ...హో...హో...

వలపు చిలక రావే...

ఆహాహా...

ఆకాశవీధిలో

చిలిపి వలపు 

చిలుకు చందమామ 

మునిమాపు వేళకు 

ముద్దిచ్చిపోరా 

మరుమల్లె పూవుల 

మనసందుకోరా 

చేయి కలుపుకోరా 

ఆ...ఆ...ఆ...

చెలిమి నిలుపుకోరా 

ఓ...హో...హో...

వలపు చిలికి పోరా 

చరణం 1:

నీ వయ్యారాలన్ని వసంతాలాడి 

కౌగిలి చేరాగానే 

నా మనోభావాల 

సుగంధాలన్ని అల్లుకుపోయినవీ  

నీ సరాగాలన్ని సుఖాలాపాల 

వీణలు మీటగనే 

ఆ స్వరానందాల సుమించే ప్రేమ 

ఝల్లున పొంగినది 

నీలోన వర్ణాలు పలికే 

సంధ్యారాగము 

నాలోన దీపాలు వెలిగే 

సాయంకాలము 

గులాబీ పూల గులామే చల్లె నీ అందము.

చరణం 2:

ఈ కుహూ గానాల కులాసాలన్ని

గూటికి చేరగనే 

నీ విలాసాలన్ని వరించేవేళ 

వెచ్చగ సోకినవీ 

ఈ సుమించే పూల రమించే గాలి 

ఝుమ్మని పాడగనే 

నీ హసించే మోము స్పృశించే వేళ 

తుమ్మెద లాడినవీ  

ఆరారు కాలాలు కరిగే 

శిల్పానందము 

నూరేళ్ళ బంధాల కెదిగే 

నేత్రానందము 

సౌందర్యాలు సలామే చేసే 

నీ కోసము