నీ చూపులోనా విరజాజి వానా

నీ చూపులోనా విరజాజి వానా
చిత్రం: పిల్ల జమిందార్ (1980)
సంగీతం: చక్రవర్తి
రచన: వడ్డేపల్లి కృష్ణ
గానం: బాలు, సుశీల, ఎస్. పి. శైలజ

పల్లవి:

నీ చూపులోనా.. విరజాజి వానా
ఆ వానలోనా నేను తడిసేనా.. హాయిగా

నీ నవ్వులోనా.. రతనాల వానా
ఆ వానలోనా మేను మరిచేనా... తీయగా

చరణం 1:

ఆ వెన్నెలేమో.. పరదాలు వేసే
నీ వన్నెలేమో.. సరదాలు చేసే
ఆ వెన్నెలేమో.. పరదాలు వేసే
నీ వన్నెలేమో.. సరదాలు చేసే
వయసేమో పొంగిందీ... వలపేమొ రేగిందీ
వయసేమో పొంగిందీ... వలపేమొ రేగిందీ
కనివిని ఎరుగని తలపులు చిగురించె...

నీ చూపులోనా.. విరజాజి వానా
ఆ వానలోనా నేను తడిసేనా.. హాయిగా

నీ నవ్వులోనా.. వడగళ్ళ వానా
ఆ వానలోనా నేను మునిగేనా... తేలనా

చరణం 2:

చిరుగాలిలోనా... చిగురాకు ఊగే
చెలి కులుకులోనా... పరువాలు ఊగే

ఈ పాల రేయీ... మురిపించె నన్ను...
మురిపాలలోనా... ఇరికించె నన్ను...

గిలిగింత కలిగించే... మనసంత పులకించే...
జాబిల్లి కవ్వించే... నిలువెల్ల దహియించే...
చెరగని.. తరగని.. వలపులు కురిపించే...

నీ చూపులోనా... విరజాజి వానా
ఆ వానలోనా నేను తడిసేనా... హాయిగా

నీ నవ్వులోనా... రతనాల వానా
ఆ వానలోనా మేను మరిచేనా... తీయగా

ముద్దుల జానకి

ముద్దుల జానకి
చిత్రం : పెద్దరికం (1992)
సంగీతం : రాజ్-కోటి
రచన : వడ్డేపల్లి కృష్ణ
గానం :  చిత్ర

ముద్దుల జానకి పెళ్ళికి మబ్బుల పల్లకి తేవలెనే
ముద్దుల జానకి పెళ్ళికి మబ్బుల పల్లకి తేవలెనే
ఆశల రెక్కల హంసలు పల్లకి మోసుకు పోవలెనే
ఆశల రెక్కల హంసలు పల్లకి మోసుకు పోవలెనే
మురిపాల తేలించ మునిమాపులో
దివినుండి రేరాజు దిగివచ్చులే
ఆ ఆ ఆ ఆ ఆ

ముద్దుల జానకి పెళ్ళికి మబ్బుల పల్లకి తేవలెనే
ఆశలరెక్కల హంసలు పల్లకి మోసుకు పోవలెనే
తొలకరిలా వలపంతా కురిసెనులే
తీయని ఊహలు చిగురు తొడిగెను

చరణం 1:

నింగిని తాకే పందిరివేసి
పచ్చని పల్లెను పీటగ జేసి
నింగిని తాకే పందిరివేసి
పచ్చని పల్లెను పీటగా జేసి
బంగారు రంగులు వేయించరారె
మురిపాల పెళ్ళి జరిపించరారే
వధువు సొగసంత మెరిసే
వలపు మదిలోన విరిసే
చిలిపి కోరికలు కురిసే
పడుచు పరువాలు బిగిసే
కనివిని ఎరుగని కమ్మనిభావన కధలుగ కనిపించే
ఆ ఆ ఆ ఆ ఆ

ముద్దుల జానకి పెళ్ళికి మబ్బుల పల్లకి తేవలెనే
ఆశల రెక్కల హంసలు పల్లకి మోసుకు పోవలెనే

చరణం 2:

తూరుపు ఎరుపై మనసులు పాడే
గోదావరిలా మమతలు పొంగే
తూరుపు ఎరుపై మనసులు పాడే
గోదావరిలా మమతలు పొంగే
రాయంచలన్నీ రాగాలు తీసే
చిలకమ్మలెన్నో చిత్రాలు చేసే
కదలిరావమ్మ నేడే
కలలు పండేటి వేళ
వేచియున్నాడు వరుడే సంజె సరసాల కేలా
సరసపు వయసున ఒంపుల సొంపుల సరిగమ వినిపించే
ఆ ఆ ఆ ఆ ఆ

ముద్దుల జానకి పెళ్ళికి మబ్బుల పల్లకి తేవలెనే
ఆశల రెక్కల హంసలు పల్లకి మోసుకు పోవలెనే
మురిపాల తేలించ మునిమాపులో
దివినుండి రేరాజు దిగివచ్చులే
ఆ ఆ ఆ ఆ ఆ

కురిసింది వాన

కురిసింది వాన
చిత్రం: సంకల్పం (1995)
రచన: వడ్డేపల్లి కృష్ణ
గానం: బాలు, బాలు కూతురు పల్లవి
సంగీతం: కోటి

కురిసింది వాన వాన జల్లు కోరగా,
విరిసింది ప్రేమ ప్రేమ తియ్యతియ్యగా..
స్వాతిచినుకులే రాలగా...ఓ
పూలజల్లుగా మారగా
అంబరమున కరిమబ్బులు
సంబరముగ పయనించగ
మది నెమలిగ ఆడిందిలే
కురిసింది వాన వాన జల్లు కోరగా,
విరిసింది ప్రేమ ప్రేమ తియ్యతియ్యగా..

చరణం 1:

ఇన్నాళ్ళ వలపంతా
చిన్నారి తలపంతా
పూచెను మలుపుల పిలుపులతో
నీలోని పులకింత
నాలోని గిలిగింత
చిక్కెను జిగిబిగి కౌగిలిలో
చినుకమ్మ చిటుకే
చిత్రంగా చిలికే
మారాకు తొడిగే
మనప్రేమ కడకే
కోరిక మది చెలరేగగ
కోరిన చెలి దరిజేరగ
జరుగును మన కళ్యాణమే

చరణం 2:

సిరిమల్లె సొగసల్లే
జాబిల్లి మనసల్లే
చేరెను ప్రియ సుకుమారముతో
గోదారి వరదల్లే
ప్రాయాల పరవళ్ళు
దూకెను ఎద శృంగారంతో
వయసంతా వరదా
వలపంతా సరదా
ముద్దియ్య వలదా
తొలగింది పరదా
తీయని కల నిజమైనది
మాయని కథ మనదైనది
జతకోరిన రాగాలతో

కురిసింది వాన వాన జల్లు కోరగా,
విరిసింది ప్రేమ ప్రేమ తియ్యతియ్యగా..
స్వాతిచినుకులే రాలగా...ఓ
పూలజల్లుగా మారగా
అంబరమున కరిమబ్బులు
సంబరముగ పయనించగ
మది నెమలిగ ఆడిందిలే
కురిసింది వాన వాన జల్లు కోరగా,
విరిసింది ప్రేమ ప్రేమ తియ్యతియ్యగా..