పాడలేను పల్లవైన

చిత్రం: సింధు భైరవి (1985)

గానం: కె.ఎస్. చిత్ర

సంగీతం: ఇళయరాజా

రచన: రాజశ్రీ

పల్లవి : 

పాడలేను పల్లవైన భాష రాని దానను

వేయలేను తాళమైన లయనేనెరుగను

తోచింది చెప్పాలని ఎదుటికొచ్చి నిలుచున్నా

తోచిన మాటలనే వరుస కట్టి అంటున్నా...

||పాడలేను|| 

చరణం 1:

అమ్మజోల పాటలోన రాగమెంత ఉన్నది?

పంటచేల పాటలోన భాష ఎంత ఉన్నది?

ఊయలే రాగం పైరగాలి మేళం 

మమతే రాగం శ్రమజీవనమే భావం 

రాగమే లోకమంతా 

కష్టసుఖములే స్వరములంటా 

షడ్జమకోకిల గానస్రవంతికి 

పొద్దుపొడుపే సంగతంటా 

||పాడలేను|| 

చరణం 2:

రాగానిదేముంది 

రసికులు మన్నిస్తే 

తెలిసిన భాషలోనే 

తీయగా వినిపిస్తే 

ఏ పాటైనా ఎద పొంగిపోదా 

ఏ ప్రాణమైనా తమి తీరిపోదా 

చెప్పేది తప్పోఒప్పో 

చెప్పేది తప్పోఒప్పో

రహస్యమేముంది విప్పిచెబితే 

ఆహూ... ఊహూ... రోకటిపాటలో

లేదా మధురసంగీతం 

ఆహూ... ఊహూ... రోకటిపాటలో

లేదా మధురసంగీతం 

||పాడలేను||