వయసా చూసుకో

ప్రేమంటే ఇదేరా (1998)

రచన: సిరివెన్నెల 

సంగీతం: రమణ గోగుల 

గానం: బాలు, చిత్ర 

పల్లవి: 

వయసా చూసుకో 

చెబుతా రాసుకో

ఈడుకి తొలి పాఠం

సొగసా చేరుకో 

వరసే అందుకో

నీకిది తొలి గీతం

ఆగనన్నది ఆశ 

ఎందుకో తెలుసా

ఓ ఊహకందని భాష

నేర్చుకో మనసా

 

ఓ స్వామి రారా 

ప్రేమంటే ఇదేరా

నా సితార 

ప్రేమంటే ఇదే...రా

వయసా చూసుకో 

చెబుతా రాసుకో

ఈడుకి తొలి పాఠం

సొగసా చేరుకో 

వరసే అందుకో

నీకిది తొలి గీతం

చరణం 1:

రేయి భారం రెట్టింపయ్యింది

లేవయ్యారం నిట్టూరుస్తుంది

రాయబారం గుట్టే చెప్పింది

హాయి బేరం గిట్టేలా ఉంది

మోయలేని ప్రేమంటే ఇదేరా

సాయమడిగే ప్రేమంటే ఇదే...రా

వయసా చూసుకో

చరణం 2:

తేనె మేఘం కాదా నీ దేహం

వానరాగం కోరే నా దాహం

గాలి వేగం చూపే నీ మోహం

తాకగానే పోదా సందేహం

ప్రాణం ఉంది ప్రేమంటే ఇదేరా

ప్రాయం అంది ప్రేమంటే ఇదే

వయసా చూసుకో